02.04.2026 | 19:22
Փաշինյանը ներկա է եղել միջնադարյան գլուխգործոցի՝ հայկական եկեղեցու փայտյա դռան փեղկի ցուցադրությանը
Ալիևը կրկին հերքել է Ադրբեջանում հայ ռազմագերիների առկայությունն ու նրանց անվանել դիվերսանտներ
Քաղաքականություն
15.10.2021 | 20:14
Ադրբեջանի նախագահ Իլհամ Ալիևը կրկին հայտարարել է, որ պաշտոնական Բաքուն հայ ռազմագերներին գերի չի համարում։ Նրանք, ըստ Ալիևի, դիվերսանտներ են, ոչ թե ռազմագերիներ։ Գրում են ադրբեջանական լրատվամիջոցները։
«Կուզենայի անդրադառնալ, այսպես կոչված, հայ ռազմագերիների հարցին։ Ադրբեջանը Հայաստանին է փոխանցել բոլոր ռազմագերիներին, որոնք ձերբակալվել են պատերազմի ընթացքում, ավելի արագ, քան Հայաստանը փոխանցել է մեզ ադրբեջանցի գերիներին»,-ասել է Ալիևը ԱՊՀ երկրների ղեկավարների գագաթնաժողովի ընթացքում։ Նա կրկին ադրբեջանական կեղծ թեզն է ներկայացրել, թե Հադրութի Հին Թաղեր ու Խծաբերդ բնակավայրերում գերեվարված շիրակցիները դիվերսանտներ են։
Ալիևը նշել է, որ իբր հայկական դիվերսիոն խումբը զինաթափվել ու ձերբակալվել է ադրբեջանցի զինծառայողների կողմից։
Հավելենք, որ Ադրբեջանը շարունակում է խախտել նոյեմբերի 9-ի եռակողմ հայտարարության 8-րդ դրույթն ու միջազգային մարդասիրական իրավունքի նորմները՝ ապօրինաբար պահելով հայ ռազմագերիներին։
Էմմա Չոբանյան
