30.01.2026 | 21:55
ՀՀ ԱԳ փոխնախարարը բարձր է գնահատել Հայաստանում ՊԳԿ-ի գործունեությունը
Բաթումում փլատակներից դուրս է բերվել ևս երկու մարդու մարմին
09.10.2021 | 17:48
Վրացի փրկարարները ևս երկու մարդու մարմին են դուրս բերել Բաթումում մասնակիորեն փլուզված տան փլատակների տակից: Զոհերի ընդհանուր թիվը հասել է 8-ի, հաղորդում է Վրաստանի հանրային հեռարձակողի Առաջին ալիքը:
Հեռուստաալիքի տվյալներով ՝ փրկարարները դուրս են բերել կնոջ և 12-ամյա դեռահասի մարմինները: Փրկարարները շարունակում են որոնողական աշպխատանքները; ՆԳՆ-ի նախնական տվյալներով ՝ փլատակներում կարող է գտնվել ևս մեկ մարդ։
Ինչպես ավելի վաղ տեղեկացրել էինք, Վրաստանի կառավարությունը հոկտեմբերի 11-ը սգո օր է հայտարարել Բաթում քաղաքում տան մասնակի փլուզման հետևանքով մարդկանց զոհվելու կապակցությամբ։
Հիշեցնենք, որ Վրաստանի Բաթում քաղաքում երեկ առավոտյան փլուզվել է բնակելի հինգհարկանի շենքի մեկ մուտքը:
Ոստիկանությունը 3 մարդու է ձերբակալել շենքի փլուզման գործով, որոնցից մեկն առաջին հարկում գտնվող բնակարանի սեփականատերն է, իսկ երկուսը ՝ այնտեղ վերանորոգման աշխատանքներ կատարող բանվորներ։ Քննության տվյալներով ՝ փլուզումը առաջացրել են անվտանգության կանոնների կոպիտ խախտմամբ կատարված վերանորոգման աշխատանքները։ Նրանց սպառնում է 2-10 տարվա ազատազրկում։
