Հայաստանի և Իրանի ԱԳ նախարարները հանդիպմանը փաստել են, որ «Զանգեզուրի միջանցքի» թեմա չկա․ Արարատ Միրզոյան․ ՏԵՍԱՆՅՈՒԹ

Լուրեր

18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
18.11.2026 | 22:08
Եկեք գնանք ժողովրդին հարցնենք, մնացածն ի՞նչ կապիկություն է․ Միրզոյանը՝ Դավթյանին. ՏԵՍԱՆՅՈՒԹ
18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
18.11.2026 | 21:24
Կոտայքի մարզում վթարային ջրանջատում կլինի
18.11.2026 | 21:13
GTA VI-ը պաշտոնապես թողարկվել է
18.11.2026 | 21:00
Փաշինյանը ԵՄ-ին անդամակցելուց խոսեց՝ բարձրացնելով Պուտինի հետ սակարկության գինը․ Նարինե Մկրտչյան․ ՏԵՍԱՆՅՈՒԹ
18.11.2026 | 20:50
ՀՀ-ն 250 մլն եվրոյի նոր վարկ է վերցնում
18.11.2026 | 20:40
Էդուարդ Բաբայանը՝ «Գործարար»-ի ցուցակով․ ով ում հետ է բացառում կոալիցիան Աբովյանում
Բոլորը

««Զանգեզուրի միջանցքի» թեմա չկա և չի կարող լինել»,- ԱԺ-կառավարություն հարց ու պատասխանի ժամանակ անդրադառնալով «Քաղաքացիական պայմանագիր խմբակցության  պատգամավոր Մարիա Կարապետյանի հարցադրմանը, այս մասյն ընդգծեց արտաքին գործերի նախարար Արարատ Միրզոյանը։ Նա անդրադարձավ Իրան կատարած այցի մանրամասներին և նշեց, որ այս այցը շատ լավ առիթ էր՝ քննարկելու երկկողմ հարաբերություններում առկա բոլոր հարցերը, խոսակցություն ծավալելու իրականացվող ու իրականացվելիք ծրագրերի շուրջ։

«Կարող եմ թվարկել այդ ծրագրերը՝ դա և նոր բարձրավոլտի կառուցման ծրագիրն է, և գազի ու էլեկտրաէներգիայի փոխանակման մեր ծրագրի ժամկետի ընդլայնման վերաբերյալ պայմանագրի կնքումը, և Մեղրու ՀԷԿ-ի վերաբերյալ բանակցությունը, տրանսպորտային ուղիների հետ կապված լուրջ ծրագրեր ենք քննարկել, նաև այդ թվում՝ իրանական ընկերությունների ներգրավմամբ ենթակառուցվածքների զարգացման։

Բայց ուզում եմ ասել, որ այս այցը և մեր խոսակցությունը վերաբերել է ոչ միայն երկկողմ հարաբերություններին, այլ նաև տարածաշրջանային նշանակություն է ունեցել և շատ կոնկրետ համատեքստ։ Ես ուզում եմ կրկին ողջունել ԻԻՀ դիրքորոշումը մեր սահմանների անձեռնմխելիության վերաբերյալ և ընդհանրապես այն բոլոր դրական ազդակները, որոնք մենք ստանում ենք այս առնչությամբ։

Անշուշտ խոսել ենք նաև, այսպես կոչված, «Զանգեզուրի միջանցքի» վերաբերյալ։ Այսինքն՝ ըստ էության այդ խոսակցության բացակայության վերաբերյալ։ Մենք փաստել ենք, որ չկա այդպիսի թեմա և չի կարող լինել այդպիսի թեմա»,- ասաց արտգործնախարարը։

Ըստ Արարատ Միրզոյանի՝ Իրանը տարածաշրջանում գլոբալ դերակատարում ունի։ Քննարկվում է նաև Պարսից ծոց-Սև ծով միջանցքի վերաբերյալ թեման։

«Մեծ հետաքրքրություն ունի նաև Հնդկաստանը։ Առաջ ընկնելով ասեմ՝ օրեր անց մենք այստեղ կհյուրընկալենք նաև Հնդկաստանի արտաքին գործերի նախարարին։ Մեծ տարածաշրջանային տնտեսական և ոչ միայն թեմաների համատեքստ կա։ Եվ այստեղ մեր և Իրանի պատկերացումները մեծապես համընկնում են»,- ասաց ԱԳ նախարարը։

Մանրամասները՝ տեսանյութում: