14.10.2026 | 20:44
Իրանամետ հաքերները ստանձնել են Ադրբեջանի դեմ կիբերհարձակման պատասխանատվությունը՝ պատճառ նշելով հիջաբ կրելու արգելքը
Վաղը «Չե՛ք անցկացնի» նախաձեռնությունը հավաք-երթ կանցկացնի Երևանում
Հասարակություն
23.03.2018 | 13:06
Վաղը՝ մարտի 24-ին, «Չե՛ք անցկացնի» նախաձեռնությունը «#մերժիրսերժին», «Եկել ենք, որ տոնդ փչացնենք», «Մի դրժիր, որ չդրժվես», «Մնում ես, որ ի՞նչ անես», «Թռա՞ր Ստեփանակերտ», «Գնալու պահով տատդ ի՞նչ էր ասում», «Ո՞ւր է ատոմակայանը», «Ո՞ւր է Հայաստան- Իրան երկաթգիծը», «4 մլն Հայաստան, Իյա իրո՞ք, «Գնա, որ հավատանք», «Փոխենք Սերժին, փոխենք համակարգը», «Հավատս չի գալիս, որ 10 տարի անց դեռ Սերժի դեմ եմ պայքարում» կարգախոսներով հանրահավաք-երթ է նախատեսում անցկացնել Երևանի Կասկադ համալիրի տարածքում։
Երթի կազմակերպիչներն իրենց ֆեյսբուքյան էջում գրել են․ «Հոգնե՞լ ես գաղջ մթնոլորտից, ուզու՞մ ես փոփոխություններ, արի Կասկադ երթի»։
Նշենք, որ այսօր էլ հանրահավաք է նախատեսվում, 18․30-ին «Հանուն Հայաստան պետության» ճակատի անդամներն Ազատության հրապարակում են լինելու՝ կրկին Սերժ Սարգսյանի հեռացման պահանջով։
Այս պահին էլ մի շարք ազատամարտիկներ Վոլոդյա Ավետիսյանի գլխավորությամբ շարունակում են երկու օր առաջ մեկնարկած նստացույցը։
