09.08.2026 | 19:36
Խնձորեսկում զբոսաշրջիկներ տեղափոխող մեքենան դուրս է եկել ճանապարհից
Մինչև 2040 թվականը հաշվարկող Սերժ Սարգսյանն ինչպե՞ս չի կարողացել հաշվել, թե 1,5 տարի հետո ինչ կլինի․ Գուրգեն Եղիազարյան. ՏԵՍԱՆՅՈՒԹ
Քաղաքականություն
22.03.2018 | 14:30
«Բազմամյա լրջագույն փորձով մի մարդ, որը հաշվարկել է, թե 2040 թվականին մենք քանի միլիոն կլինենք, այդ մարդը երբ որ հայտարարում էր, թե ինքը երբեք չի դառնա վարչապետ, երբեք չի դառնա նախագահ, որ չի կարելի երրորդ անգամ իշխանության ղեկին լինել, չէր հաշվել հա՞, որ 1․5 տարի հետո ինչ է լինելու։ Այսինքն ինքը չգիտեր, որ պետք է ՀՀԿ-ի երիտասարդներին բերի, տեղադրի կադրերը, հետո տեսնի, թե ինքն ուր է գնում»,- այսօր լրագրողների հետ հանդիպմանն ասաց ԱԱԾ նախկին փոխնախարար Գուրգեն Եղիազարյանը։
Նախկին պաշտոնյան հեգնեց՝ հավատում է Սերժ Սարգսյանի՝ վարչապետ չդառնալու խոստմանը․ «Ի վերջո, հո Սերժ Սարգսյանը չի՞ ցանկանում Հայաստանի կործանումը, ես չեմ մտածում, որ դա է ցանկանում։ 350 հազար մարդու բարով-խերով ճանապարհել է եվրոպաներ, ռուսաստաններ, ի՞նչ է մնա, որ մի 300 հազար էլ դուրս գան իր ու ՀՀԿ-ի ջահելների խաթր, ես չեմ կարծում, որ նման քայլի կգնա»,- ասաց նա։
Մանրամասները՝ տեսանյութում։
