04.08.2026 | 13:48
Ճամբարակին է վերադարձվել շուրջ 3.4 հա մակերեսով հողատարածք. Գլխավոր դատախազություն
ԱՄՆ Խաղաղության կորպուսի 26-րդ խումբը ժամանեց Հայաստան
Հասարակություն
22.03.2018 | 13:43
Երեկ երեկոյան Հայաստան ժամանեց ԱՄՆ խաղաղության կորպուսի կամավորների 26-րդ խումբը: Խումբը բաղկացած է 42 ամերիկացի կամավորներից: Ներկայումս Հայաստանում ապրում եւ աշխատում է 74 կամավոր. 42 նորեկները միանալու են նրանց։ Կամավորները Հայաստան են ժամանել երկու տարի ժամկետով՝ Հայաստանի տարբեր մարզերի գյուղերում և քաղաքներում որպես անգլերենի ուսուցիչներ և հասարակական կազմակերպություններում աշխատելու նպատակով:
Մինչ Հայաստան ժամանելը կամավորները հասցրել են սովորել հայոց այբուբենը և հաղորդակցվելու համար անհրաժեշտ որոշ տարրական բառեր և արտահայտություններ:
Իրենց ծառայությունը սկսելուց առաջ կամավորները կմասնակցեն եռամսյա նախապատրաստական դասընթացի, որի ընթացքում կսովորեն հայոց մշակույթն ու լեզուն, ինչպես նաև ձեռք կբերեն մասնագիտական հմտություններ: Այդ երեք ամիսների ընթացքում նրանք կապրեն Արարատի մարզում՝ հայ ընտանիքներում: Դասընթացն ավարտելուց հետո տեղի կունենա կամավորների երդման հանդիսավոր արարողությունը, և նրանք կմեկնեն Հայաստանի տարբեր գյուղեր և քաղաքներ՝ ապրելու և ծառայելու հայ համայնքներում:
«ԱՄՆ Խաղաղության կորպուսը» ստեղծվել է 1961 թվականին Ջոն Ֆ. Քենեդիի կողմից` աշխարհում խաղաղություն և ընկերություն ամրապնդելու նպատակով: Հայաստանում Խաղաղության կորպուսը գործում է 1992թ.-ից ի վեր՝ Հայաստանի կառավարության հրավերով: Մինչ օրս Հայաստանում ծառայել է ավելի քանի 1000 կամավոր:
