14.09.2026 | 17:57
Կրեմլը ողջունել է Կիևին ուղղված Թրամփի կոչը՝ դադարեցնել ՌԴ-ի տնտեսական ենթակառուցվածքների վրա հարձակումները
Իրանի ԱԳՆ-ն պատասխանել է Ալիևի՝ զորավարժությունների մասին հայտարություններին
Քաղաքականություն
28.09.2021 | 17:09
Իրանի ԱԳՆ-ն արձագանքել է Ադրբեջանի նախագահ Իլհամ Ալիևի՝ իրանական զորավարժությունների առնչությամբ հայտարարություններին։ Այս մասին գրում է IRNA-ն։
Մասնավորապես, Իրանի ԱԳՆ խոսնակ Սայիդ Խաթիբզադեն ասել է, որ Ադրբեջանի նախագահի դիտողությունը զարմանալի է, քանի որ երկու երկրներն ունեն լավ, հարգալից հարաբերություններ և ամենաբարձր մակարդակներում նորմալ հաղորդակցվում են։ Նա նաև նշել է, որ երկու երկրների ԱԳ նախարարները Նյու Յորքում ՄԱԿ-ի Գլխավոր վեհաժողովի շրջանակում լուրջ քննարկել են բոլոր հարցերը։
Ըստ Խաթիբզադեի՝ Իրանի Իսլամական Հանրապետությունը միշտ մերժել է ցանկացած տեսակի տարածքային օկուպացիա և ընդգծել երկրների տարածքային ամբողջականության և միջազգայնորեն ճանաչված սահմանների հարգման անհրաժեշտությունը: Իրանցի դիվանագետը նաև բացատրել է, որ երկրի հյուսիս-արևմտյան շրջանների զորավարժություններն ինքնիշխան հարց են և նպատակ ունեն տարածաշրջանում ապահովել կայունություն ու խաղաղություն։
Խաթիբզադեն ընդգծել է, որ Իրանը չի հանդուրժի իսրայելական ռեժիմի ներկայությունն իր սահմանների մոտ և կանի այն ամենը, ինչ անհրաժեշտ է իր անվտանգության համար։
Հիշեցնենք, որ Իլհամ Ալիևը Ադրբեջանի հետ սահմանին Իրանի կողմից անցկացվող զորավարժություններն անվանել էր «անսպասելի իրադարձություն, քանի որ նախկինում նման բան չէր եղել»։
Էմմա Չոբանյան
