09.08.2026 | 13:13
Դաշտավանում ծեծկռտուք է եղել․ մասնակիցները հարվածել են քարերով, մահակներով և կռփազենքով
Շավարշ Քոչարյանը՝ Հայաստան-ԵՄ համաձայնագրի վավերացման հարցում որևէ խոչընդոտ չի տեսնում. ՏԵՍԱՆՅՈՒԹ
Քաղաքականություն
22.03.2018 | 13:48
ՀՀ արտաքին գործերի նախարարի տեղակալ Շավարշ Քոչարյանը որևէ խոչընդոտ չի տեսնում Եվրամիության անդամ երկրների կողմից Հայաստան-ԵՄ համաձայնագրի վավերացման հարցում: Անդրադառնալով ԵՄ անդամ երկրների կողմից համաձայնագրի վավերացման հնարավոր խոչընդոտներին, Շավարշ Քոչարյանն ասաց. «Համարում եմ գրեթե անհավանական, որովհետև այն պետությունը, որը շահագրգիռ չէր, ինքը դա կարող էր անել դեռևս մինչ համաձայնագրի ստորագրումը: Այն, որ Եվրամիությունը ստորագրել է համաձայնագիրը՝ նշանակում է, որ բոլոր անդամ պետությունների կողմից եղել է լիակատար համաձայնություն»:
Փոխարտգործնախարարի տեղեկացմամբ՝ ՀՀ-ԵՄ համաձայնագիրն առաջինը վավերացրել է Էստոնիան, երկրորդ հայտարարությունը եղել է Գերմանիայի կողմից: Քոչարյանը պարզաբանեց՝ Գերմանիայն դեռևս ճշտում է, թե արդյոք այդ համաձայնագիրը չի սահմանափակում իր սուվերեն իրավունքը՝ կապված անվտանգության ոլորտի հետ: «Այսինքն՝ դա խոսում է այն մասին, որ անդամ պետություններն ուշադիր նայում են համաձայնագիրը: Շատերի հետ կապի մեջ են, և նրանք խոսում են այն մասին, որ պրոցեսը սկսվել է: Քանի որ համաձայնագիրը բոլոր երկրների կողմից վավերացնելը ժամանակատար է՝ համաձայնագիրը նախատեսել է զգալի հատվածի ժամանակավոր կիրարկում»,- հավելեց արտաքին գործերի նախարարի տեղակալը:
Մանրամասները՝ տեսանյութում:
