07.11.2024 | 22:35
Փաշինյանը հանդիպում է ունեցել Մակրոնի հետ
Եվրամիությունը պատրաստ է Թուրքիայի հետ սերտ համագործակցության
Քաղաքականություն
24.09.2021 | 21:58
Անկարայի հետ սերտ համագործակցությունն ու համակարգումը կազմում են Եվրամիության և Թուրքիայի միջև հարաբերությունների ողնաշարը: Այս մասին Twitter-ում գրել է ԵՄ արտաքին գործերի և անվտանգության քաղաքականության հարցերով գերագույն հանձնակատար Ժոզեպ Բորելը Նյու Յորքում Թուրքիայի արտգործնախարար Մևլութ Չավուշօղլուի հետ հանդիպումից հետո:
«Հաճելի էր տեսնել Չավուշօղլուին ՄԱԿ-ի Գլխավոր վեհաժողովի շրջանակում»,- հայտարարել է ԵՄ դիվանագիտության ղեկավարը:
Եվրոպացի գործիչն ասել է, որ թուրք նախարարի հետ քննարկել է Անկարայի և Բրյուսելի միջև հարաբերություններն ու հեռանկարները, Կիպրոսի խնդիրը Արևելյան Միջերկրական ծովում և Աֆղանստանի իրավիճակը:
«Թուրքիայի հետ սերտ համագործակցությունն ու համակարգումը հիմնարար է»,- ընդգծել է Բորելը:
Տաթև Ֆռանգյան
