19.11.2024 | 14:24
Մինչև 2018 թվականը ՀՀ-ում ռազմավարական երկարաժամկետ նպատակներ հայտարարված չեն եղել․ Արշակյան․ ՏԵՍԱՆՅՈՒԹ
Ինչ խնդիրներով են արցախցիները դիմում նախագահին
20.09.2021 | 23:14
Արցախի Հանրապետության նախագահի աշխատակազմի կողմից գործարկված արագ արձագանքման թեժ գծի 119 հեռախոսահամարին սեպտեմբերի 13-17-ը գրանցվել է 276 զանգ: Այս մասին տեղեկացնում է ԱՀ նախագահի մամուլի ծառայությունը։
Բնակչությունը շարունակում է դիմել հիմնականում պետական ֆինանսական աջակցության ծրագրի, վարկերի մարման և այլ սոցիալական բնույթի հարցերով։ Բացթողնված զանգերին պատասխանելու և հարցերի ճշտման նպատակով թեժ գծի աշխատակիցները կատարել են 66 հետզանգ` իրազեկման, խորհրդատվության, խնդիրների վերհանման և այլ նպատակներով:
Թեժ գծին հնարավոր է զանգահարել Արցախից՝ 119, իսկ Հայաստանի Հանրապետությունից ու արտերկրից՝ +374-47-119-119 հեռախոսահամարներով: Աշխատանքային ռեժիմն է՝ երկուշաբթիից ուրբաթ՝ ժամը 09:00-18:00-ն։
Սոցիալական բնույթի հարցերով կարելի է զանգահարել ԱՀ աշխատանքի, սոցիալական և միգրացիայի հարցերի նախարարության թեժ գծին՝ 114 կարճ հեռախոսահամարով:
