17.12.2025 | 20:56
ՔՊ-ում կռիվ է ընկել․ ինտրիգներ՝ ընտրական ցուցակի ձևավորման շուրջ. ՏԵՍԱՆՅՈՒԹ
ԱՄՆ-ում պատվաստումը պարտադիր կլինի պետական և մասնավոր ոլորտի աշխատակիցների համար․ ՀՀ ԱՆ
13.09.2021 | 19:24
ԱՄՆ Նախագահ Ջո Բայդենի` COVID-19-ի դեմ պայքարի նոր նախագծով նախատեվում է 80-100 միլիոն մարդու պատվաստում:
Ջո Բայդենը պարտադիր է դարձրել պատվաստումը պետական ծառայողների, բուժաշխատողների և խոշոր ընկերությունների աշխատակիցների համար: Այս մասին տեղեկացնում է ՀՀ առողջապահության նախարարությունը։
«Մենք համբերատար էինք, բայց մեր համբերությունը հատնում է։ Ձեր չպատվաստվելը թանկ արժեցավ բոլորիս համար»,- հայտարարել է Բայդենը:
Մինչ այս, պետական ծառայողները կա՛մ պետք է պատվաստվեին, կա՛մ կանոնավոր` շաբաթը մեկ թեստ հանձնեին։ Այժմ չպատվաստվածներին պաշտոնանկություն է սպառնում։
Բացառություն կարվեն այն աշխատակիցների համար, որոնք հրաժարվում են պատվաստվել կրոնական կամ առողջական նկատառումներից ելնելով:
100-ից ավելի աշխատակից ունեցող ընկերությունների համար ևս կգործի պատվաստման պահանջ: Հրաժարվելու դեպքում ամեն շաբաթ կորոնավիրուսի թեստ կհանձնեն:
