27.11.2024 | 18:25
Լեհաստանի նախագահը պարեկել է Երասխում, ԱԳՆ-ն ողջունել է Լիբանանի և Իսրայելի միջև հրադադարը․ ԼՈՒՐԵՐ
ԱՄՆ-ը, Գերմանիան ու դաշնակից մյուս երկրները քննարկում են Աֆղանստանում զարգացող իրադարձությունները
Քաղաքականություն
08.09.2021 | 21:41
ԱՄՆ-ի պետքարտուղար Էնթոնի Բլինքենը եւ Գերմանիայի արտաքին գործերի նախարար Հայկո Մաասը հրավիրել են մի հանդիպում իրենց դաշնակիցների հետ` քննարկելու համար Աֆղանստանում զարգացող իրադարձությունները: Այս մասին գրում է «Ամերիկայի ձայն»-ը։
Մինչեւ Գերմանիա ժամանելը, Քաթարում Բլինքենը շեշտել էր, որ Միացյալ Նահանգները եւ մյուս երկրները կոչ են անում Թալիբանին հետեւել իր իսկ կողմից տրված խոստումներին` թույլ տալու համար Աֆղանստանից ելքի արտոնագրեր ունեցող անձանց, ցանկության դեպքում, հեռանալ այստեղից:
Հիշեցնենք, որ մեծաթիվ մարդկանց չհաջողվեց դա անել մինչեւ օգոստոսի 31-ը տրված վերջնաժամկետը:
Ինչպես Պետդեպարտամենտն է հայտնում, չորեքշաբթի օրն անցկացվող հանդիպման ընթացքում նաեւ քննարկվելու են հակաահաբեկչությանն առնչվող հարցեր, ինչպես նաեւ Աֆղանստանում մարդու իրավունքների պաշտպանության շուրջ առկա խնդիրները:
