30.07.2026 | 22:43
Հունաստանում անտառային հրդեհները շարունակում են տարածվել․ Կրետեում դրանք տարհանման և հրշեջների մահվան պատճառ են դարձել
«Թալիբանը» հայտարարել է ԱՄՆ-ի հետ բարեկամական հարաբերությունների ձգտելու մասին
Քաղաքականություն
31.08.2021 | 14:31
Աֆղանստանից ամերիկյան զորքերի դուրսբերումից հետո «Թալիբանը» հայտարարել է ԱՄՆ-ի հետ բարեկամական հարաբերությունների ձգտելու մասին, գրում է DW-ի ռուսական ծառայությունը։
«Մենք ԱՄՆ-ի և ողջ աշխարհի հետ ցանկանում ենք լավ հարաբերություններ։ Մենք ողջունում ենք բարիդրացիական, դիվանագիտական հարաբերությունները բոլորի հետ»,- ասել է «Թալիբանի» ներկայացուցիչ Զաբիուլլա Մուջահիդը՝ ելույթ ունենալով Քաբուլի օդանավակայանում։
Մուջահիդը շնորհավորել է բոլոր աֆղաններին հաղթանակի կապակցությամբ:
«Շնորհավորում ենք Աֆղանստանին, այս հաղթանակը մեզ է պատկանում»,- ասել է նա ԱՄՆ-ի զորքերի ամբողջական հեռանալուց մի քանի ժամ անց:
Հիշեցնենք՝ օգոստոսի 31-ի գիշերը ԱՄՆ բանակն ավարտեց Աֆղանստանում իր օպերացիան, որը տևել է շուրջ 20 տարի: Ամերիկյան վերջին ռազմական ինքնաթիռն օդ է բարձրացել Քաբուլի օդանավակայանից՝ այդպիսով ավարտելով Աֆղանստանից տարհանման առաքելությունը:
Տաթև Ֆռանգյան
