16.09.2026 | 21:30
Քոչարյանի գրպանը 200 մլն դոլար չեն գցել․ անհնար է համոզել ՀՀ-ի ժողովրդին, որ գործը սարքած է․ Թագուհի Ղազարյան․ ՏԵՍԱՆՅՈՒԹ
«Իսլամական պետությունը» ստանձնել է Քաբուլի օդանավակայանի վրա հրթիռային հարձակման պատասխանատվությունը
Քաղաքականություն
30.08.2021 | 18:10
«Իսլամական պետությունը» ստանձնել է երկուշաբթի Քաբուլի օդանավակայանի վրա հրթիռային հարձակման պատասխանատվությունը: Այս մասին հայտնում է Reuters-ը՝ վկայակոչելով ահաբեկչական խմբավորման հայտարարությունը:
Նշվում է, որ զինյալներն ընդհանուր առմամբ 6 հրթիռ են արձակել։
Հարձակման մասին հայտնի է դարձել առավոտյան: Լրատվամիջոցները նշում են, որ ամերիկյան հակահրթիռային պաշտպանության համակարգը կարողացել է որսալ հինգ հրթիռ: Մեկ արկ, ըստ «Al-Jazeera»-ի, ընկել է օդանավակայանի տարածքում:
Հիշեցնենք, որ անցյալ հինգշաբթի երկու հզոր պայթյուն էր որոտացել օդանավակայանի մուտքի մոտ, որը խլել է 13 ամերիկացի զինվորականի և շուրջ 200 աֆղանցու կյանք։ Կատարվածի համար պատասխանատվությունը ստանձնել է «Իսլամական պետությունը»։
Տաթև Ֆռանգյան
