19.11.2024 | 12:36
Փաշինյանից «sms» չեմ ստացել, մենք հերթական ընտրություններին ենք պատրաստվում. Փամբուխչյան. ՏԵՍԱՆՅՈՒԹ
«Թալիբան»-ը դատապարտել է Քաբուլում իրականացված պայթյունները
Քաղաքականություն
26.08.2021 | 21:48
«Թալիբան»-ը վճռականորեն դատապարտում է Քաբուլի օդանավակայանի պայթյունները։ Չար մտադրություն ունեցողների նկատմամբ գործողություններ կկիրառվեն, հայտնել է շարժման ներկայացուցիչ Զաբիուլա Մուջահիդը, նրա խոսքերն է փոխանցում ՌԻԱ Նովոստին։
«Իսլամական էմիրությունը խստորեն դատապարտում է Քաբուլի օդանավակայանում տեղի ունեցած գրոհը խաղաղ բնակչության նկատմամբ, որը տեղի է ունեցել ԱՄՆ-ի կողմից վերահսկվող թաղամասում»,- Twitter-ում գրել է Մուջահիդը։
Նա հավելել է, որ շարժումը մեծ ուշադրություն է դարձնում երկրում անվտանգության և բնակչության պաշտպանության հարցերին, և որ չարակամ կազմակերպությունների գործունեությունը խիստ կերպով կկանխվի։
Հիշեցնենք՝ Քաբուլի օդանավակայանում 2 պայթյուն է որոտացել, առաջինը՝ Baron հյուրանոցից ոչ հեռու, որտեղ հավաքված են եղել նաև արտասահմանցիներ, այդ թվում՝ բրիտանացիներ ու ամերիկացիներ։ Առաջին պայթյունը կազմակերպվել է ահաբեկիչ-մահապարտի մասնակցությամբ, այնուհետև պայթել է ականապատված ավտոմեքենա։
Հաղորդվում է, որ պայթյունի հետևանքով ավելի քան 40 մարդ է զոհվել, 100-ը՝ տարբեր աստիճանի վնասվածքներ ստացել։
