07.03.2026 | 22:11
Նոր նշանակումներ՝ մարմնամարզության Հայաստանի հավաքականներում
Քաբուլում պայթյունների հետևանքով 40 մարդ է զոհվել, ավելի քան 100-ը՝ վիրավորվել․ ՌԻԱ Նովոստի
Քաղաքականություն
26.08.2021 | 21:23
Ավելի քան 40 մարդ է զոհվել, 100-ը՝ տարբեր աստիճանի վնասվածքներ ստացել այսօր՝ հինգշաբթի օրը, Աֆղանստանի մայրաքաղաք Քաբուլի օդանավակայանում տեղի ունեցած պայթյուններից։ Այս մասին ՌԻԱ Նովոստիին հայտնել է Աֆղանստանի առողջապահության նախարարությունում ունեցած աղբյուրը։
Վերջինիս հաղորդմամբ՝ զոհերի և վիրավորների մարմինները տեղափոխվել են հիվանդանոց։ Նրանց թվում կան կանայք և երեխաներ։
Նշվում է, որ թալիբները չեն բացառում «Իսլամական պետության» հանցակցությունը պայթյունին։
Հիշեցնենք՝ Քաբուլի օդանավակայանում 2 պայթյուն է որոտացել, առաջինը՝ Baron հյուրանոցից ոչ հեռու, որտեղ հավաքված են եղել նաև արտասահմանցիներ, այդ թվում՝ բրիտանացիներ ու ամերիկացիներ։ Առաջին պայթյունը կազմակերպվել է ահաբեկիչ-մահապարտի մասնակցությամբ, այնուհետև պայթել է ականապատված ավտոմեքենան։
