14.02.2026 | 14:32
ՊՆ-ում ներկայացվել են հաշվապահական հաշվառման համակարգի ներդրման արդյունքները
Քաբուլի օդանավակայանի մոտ պայթյուն է որոտացել․ զոհերի մասին հստակ տեղեկություններ չկան
Քաղաքականություն
26.08.2021 | 18:04
Պենտագոնի մամուլի խոսնակ Ջոն Քիրբին հայտարարել է, որ Քաբուլի օդանավակայանի մոտ պայթյուն է որոտացել։ Նա հավելել է, որ զոհերի մասին հստակ տվյալներ դեռևս չկան։
«Մենք կարող են հաստատել Քաբուլի օդանավակայանից դուրս պայթյունի մասին լուրերը։ Այս պահին տուժածների մասին հստակ տեղեկություն չկա։ Հավելյալ տեղեկություններ կտրամադրենք, երբ կարողանանք»,- գրել է նա Թվիթերի իր միկրոբլոգում։
Նշվում է, որ կատարվածի մասին հայտնել են ԱՄՆ նախագահ Ջո Բայդենին։
Իր հերթին ՏԱՍՍ-ը, հղում կատարելով Shamshad TV-ին, հայտնում է, որ Քաբուլի օդանավակայանի շենքի մոտակայքում լսվում են պայթյունի ձայներ։ Զոհերի կամ ավերածությունների մասին տեղեկություններ չկան։ Կատարվածի այլ մանրամասներ ևս դեռևս չեն հաղորդվում։
CNN հեռուստաալիքն իր հերթին հայտնել է, որ Աֆղանստանի քաղաքացիներ են վիրավորվել, ԱՄՆ վիրավոր քաղաքացիների մասին տեղեկություններ չկան: Նշվում է, որ մահապարտ ահաբեկիչը պայթուցիկ սարք է գործի դրել Քաբուլի օդանավակայանի հյուսիսային մուտքի մոտ, հաղորդում է Sky News Arabia-ն:
Տաթև Ֆռանգյան
