18.05.2024 | 22:23
Աշխաբադում բացվել է Սայաթ-Նովայի արձանը
Ճանապարհահատվածների բացման շուրջ բանակցություններն ադրբեջանցիների հետ վերսկսվել են․ Սյունիքի փոխմարզպետ
Հասարակություն
26.08.2021 | 16:02
Կարմրաքար-Շուռնուխ, Գորիս-Որոտան ճանապարհահատվածների բացման շուրջ բանակցությունները վերսկսվել են․ Factor.am-ին հայտնեց Սյունիքի փոխմարզպետ Նարեկ Բաբայանը։
«Այս պահին դեռ նորություն չունենք, թե ինչ փուլում է բանակցային գործընթացը»,- ասաց փոխմարզպետը։
Կապանի համայնքապետ Գևորգ Փարսյանն էլ մեզ հետ զրույցում ասաց, որ բանակցությունները վերսկսվել են 15․51-ի դրությամբ․
«Հայակական կողմը նշված վայրում սպասում էր ադրբեջանական կողմին, բայց նրանք ուշ են ներկայացել»։ Նա նաև հավելեց, որ այսօր ռուս խաղաղապահներն են հաց հասցրել Որոտան։
Հիշեցնենք, որ օգոստոսի 25-ին՝ ժամը 23:00-ի սահմաններում, ադրբեջանական կողմը փակել է Կապան-Գորիս միջպետական ճանապարհի Կարմրաքար-Շուռնուխ հատվածը: Տարհանվել էին այդ հատվածում գտնվող տրանսպորտային միջոցները: Մարդու իրավունքների պաշտապանն էլ ավելի ուշ հայտնեց, որ ադրբեջանական զինված ծառայողները փակել էին նաև Գորիսից Որոտան տանող ճանապարհը։
Սյունիքի մարզի Շուռնուխ համայնքի ղեկավարն էլ առավոտյան մեզ հայտնել էր, որ Կապան-Գորիս ավտոճանապարհը փակ է, բնակիչների շրջանում էլ անհանգստություն կա։
Արփի Հակոբյան
