31.07.2026 | 00:19
Կոնֆերենցիաների լիգա. «Ալաշկերտը» 10 ֆուտբոլիստով պարտվեց «Կլուժին»
Գորիս-Կապան միջպետական ճանապարհը մեր ինքնիշխան տարա՞ծքն է, թե` ոչ․ Վանեցյանը դիմեց ՊՆ նախարարին. ՏԵՍԱՆՅՈՒԹ
Քաղաքականություն
26.08.2021 | 11:46
Մեր թշնամի երկիրը փակել է միջպետական ճանապարհ, և մենք տեղյակ չենք՝ Սյունիքը կտրվա՞ծ է արդյոք մնացած մարզերից, թե՞ ոչ։ Այս մասին այսօր՝ օգոստոսի 26-ին, Ազգային ժողովում հայտարարեց «Պատիվ ունեմ» խմբակցության ղեկավար Արթուր Վանեցյանը։
«Մենք քննարկում ենք կառավարության ծրագիր, ունենում ենք բանավեճեր, բանը հասնում է «մարտերի», բայց մեր երկրի անվտանգությունը գտնվում է լուրջ սպառնալիքի տակ։ Մեր թշնամի երկիրը փակել է միջպետական ճանապարհ, և մենք տեղյակ չենք՝ Սյունիքը կտրվա՞ծ է արդյոք մնացած մարզերից, թե՞ ոչ։
Պաշտպանության նախարարն ասում էր, որ եթե Հայաստանի ինքնիշխան տարածքն անգամ մեկ սանտիմետր խախտեն, կիրառվելու է ուժ, և թշնամին դուրս է շպրտվելու։
Պարո՛ն նախարար, խնդրում եմ ձեր մեկնաբանությունը՝ այդ միջպետական ճանապարհը մեր ինքնիշխան տարա՞ծքն է, թե՞ ոչ։ Կուզեի նաև, որ Նիկոլ Փաշինյանն ասեր, թե ի վերջո ինչ փաստաթղթով է կարգավորվում Գորիս-Կապան միջպետական ճանապարհը»,- ասաց Վանեցյանը։
Վանեցյանը ցանկություն հայտնեց, որպեսզի ՀՀ վարչապետն իր եզրափակիչ ելույթում անդրադառնա, թե, ի վերջո, ինչ փաստաթղթով է կարգավորվում Գորիս-Կապան միջպետական ճանապարհի կարգավիճակը:
Մանրամասները՝ տեսանյութում:
