31.07.2026 | 00:19
Կոնֆերենցիաների լիգա. «Ալաշկերտը» 10 ֆուտբոլիստով պարտվեց «Կլուժին»
Պեսկովը հայտարարել է, որ Ռուսաստանը համաձայն չէ Ղրիմի հարցում Թուրքիայի դիրքորոշման հետ
Քաղաքականություն
25.08.2021 | 18:59
Ռուսաստանը Թուրքիայի դիրքորոշումը՝ կապված Ղրիմի հետ, բացարձակապես սխալ է համարում, և Մոսկվան պատրաստ է հետագայում էլ բացատրել գործընկերներին իրերի իրական վիճակը։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը լրագրողների հետ զրույցում։
«Մենք չենք ընդունում մեր թուրք գործընկերների նման դիրքորոշումը, մենք համարում ենք այն բացարձակ սխալ։ Եվ մենք պատրաստ ենք ու լցված համբերությամբ հետագայում էլ բացատրել մեր թուրք գործընկերներին, ինչպես նաև՝ այլ երկրներին այս ռուսական շրջանի գործերի իրական դրությունը»,- ասել է Պեսկովը՝ մեկնաբանելով «Ղրիմի հարթակում» թուրքական պատվիրակության ելույթը։
Բացի այդ՝ նա նաև ուշադրություն է հրավիրել այն բանի վրա, որ ռուս-թուրքական հարաբերությունները, ընդհանուր առմամբ, գործընկերային բնույթ են կրում։
«Դրանք ոչ թե դեկլարատիվ են, այլ իրականում հիմնվում են առևտրատնտեսական ու ներդրումային համագործակցության իրական, ամուր հիմքի վրա»,-ասել է Պեսկովը՝ միաժամանակ նշելով, որ «դա չի նշանակում, որ այդ հարաբերությունները զերծ են էական տարաձայնություններից»։
«Էական տարաձայանություններին է վերաբերում հենց Ղրիմի թեման»,- ասել է ՌԴ նախագահի մամուլի խոսնակը։
Էմմա Չոբանյան
