18.12.2025 | 17:21
Մալաթիայի «Ոսկու շուկա»-ի տնօրենը ձերբակալվել է ապօրինի զենք կրելու կասկածանքով
Որոշ տեղերում ինտերնետ չունենք, պետք է շատ արագ դա ապահովել. Կարապետյանի հանձնարարականը
Տնտեսություն
15.03.2018 | 11:33
ՀՀ կառավարության այսօրվա նիստին վարչապետ Կարեն Կարապետյանն անդրադարձավ էլեկտրոնային առողջապահության ամբողջական ներդրման աշխատանքներին: Վարչապետը նշեց, որ Առողջապահության նախարարության կողմից՝ Կառավարության միջոցառումների ծրագրով սահմանված ժամանակացույցի համաձայն, իրականացվում են էլեկտրոնային առողջապահության ամբողջական ներդրմանն ուղղված անհրաժեշտ աշխատանքներ:
«Այս փուլում անհրաժեշտ է ապահովել քաղաքային և մարզային ենթակայությամբ գործող բոլոր բժշկական կազմակերպությունների ինտեգրումը էլեկտրոնային առողջապահական համակարգ»,- նշեց Կարապետյանը:
Հաշվի առնելով նշվածը՝ վարչապետը հանձնարարեց տարածքային կառավարման և զարգացման, առողջապահության, տրանսպորտի, կապի և տեղեկատվական տեխնոլոգիաների նախարարներին 15-օրյա ժամկետում քաղաքային և մարզային ենթակայությամբ գործող բժշկական կազմակերպությունների համար ապահովել անհրաժեշտ պայմաններ՝ օգտատերերի համացանց մուտք գործելու և էլեկտրոնային առողջապահական համակարգին ինտեգրվելու համար:
Կարապետյանը նաև նշեց, որ հանձարարականի կատարման համար պետք է մարզպետները ևս ներգրավվեն: «Խոսքը գնում է նրա մասին, որ մենք որոշ տեղերում ինտերնետ չունենք, պետք է շատ արագ դա ապահովել, չեմ կարծում՝ այդտեղ որևիցե խնդիր կա»,- հավելեց գործադիրի ղեկավարը:
