17.02.2026 | 23:22
ՀՀ ԱԳ նախարարի տեղակալը Հռոմում ներկայացրել է COP17-ի Հայաստանի նախագահության առաջնահերթությունները
Պրոֆեսոր Գուրվիցի հետ քննարկվել են ռադիոաստղագիտության ոլորտում Հայաստանի հետ համագործակցության հեռանկարները
Տնտեսություն
13.03.2018 | 19:48
Լեոնիդ Գուրվիցը Հայաստան է հրավիրվել «Հայաստանի իրավազորություն» հիմնադրամի կողմից՝ Հերունու ՌՕԴ-54/2.6 ռադիոօպտիկական դիտակի վերազինման և ռադիոաստղագիտական բնագավառում կիրառելիության, ինչպես նաև դիտակի գործիքակազմի EVN (European VLBI Network) ռադիոինտերֆերոմետրական միջազգային ցանցին համադրելիության դիտարկման նպատակով:
ՀՀ տնտեսական զարգացման և ներդրումների նախարար Սուրեն Կարայանը մարտի 7-ին ընդունել է Եվրոպական հետազոտական կոնսորցիումի գերերկար բազաներով ռադիոինտերֆերոմետրիայի ինստիտուտի (VLBI ERIC (JIVE)) գլխավոր աստղագետ, Տիեզերական գիտության և նորարարական ծրագրերի ղեկավար, պրոֆեսոր Լեոնիդ Գուրվիցին։
Նախարար Կարայանը պրոֆեսոր Գուրվիցի հետ քննարկել է Չափագիտության ազգային ինստիտուտի (ՉԱԻ) Արագածի գիտական կենտրոնում տեղադրված ՌՕԴ-54/2.6 ռադիոօպտիկական դիտակի վերազինման և բարելավման հարցը և ռադիոաստղագիտության ոլորտում Հայաստանի հետ համագործակցության հեռանկարները։
