Քաղաքականություն
14.08.2021 | 16:29
Իրանի իշխանությունները կորոնավիրուսի հետ կապված իրավիճակի սրման պատճառով հայտարարել են արտահերթ հնգօրյա հանգստյան օրերի և մարզերի միջև տեղաշարժի արգելքի մասին: ՏԱՍՍ-ի փոխանցմամբ՝ այս մասին շաբաթ օրը հայտնել է կորոնավիրուսի տարածման դեմ պայքարի ազգային շտաբի պաշտոնական ներկայացուցիչ Ալիռեզա Ռաիսին։
Իրանում վարակի նոր դեպքերի թվի աճ է նկատվում հունիսի սկզբից: Իրանի առողջապահության նախարար Սաիդ Նամակին հուլիսի 27-ին հայտարարել է, որ երկիրը գտնվում է կորոնավիրուսի տարածման հինգերորդ ալիքի գագաթնակետին:
Օգոստոսի 14-ի դրությամբ Իրանում կորոնավիրուսով վարակվելու 4 389 085 դեպք է հայտնաբերվել: 97 208 մարդ մահացել է հիվանդության պատճառով։
