09.06.2026 | 10:28
«Սան Անտոնիոն» կրճատել է NBA-ի եզրափակիչ շարքի հաշիվը․ ՏԵՍԱՆՅՈՒԹ
Սրճարաններում ճաշացանկը միայն օտար լեզվով է. տնտեսվարողները գործում են միայն օտարերկրացիների համար․ ՏԵՍԱՆՅՈւԹ
Հասարակություն
13.08.2021 | 12:18
Հայաստանում մեր տնտեսավարողները զարմանալի «լեզվական քաղաքականություն են վարում», նրանք կարծես թե գործում են ոչ թե հայաստանցիների, այլ միայն օտարերկրացի զբոսաշրջիկների համար: Այս մասին այսօր հրավիրված ասուլիսում նշեց Լեզվի կոմիտեի նախագահ Դավիթ Գյուրջինյանը՝ թվարկելով «Լեզվի մասին» ՀՀ օրենքի մի շարք խախտումներ:
Նրա խոսքով՝ սրճարաններում ճաշացանկը միայն օտար լեզվով է, այնինչ «Լեզվի մասին» ՀՀ օրենքի համաձայն՝ ճաշացանկը նախ պետք է լինի հայերեն, քանի որ Հայաստանի պետական լեզուն հայերենն է, այն կարող է զուգակցվել նաև այլ լեզուներով:
«Հայաստանի պետական լեզուն հայերենն է, այն առաջնային է, գերեկա է»,- ընդգծեց Լեզվի կոմիտեի նախագահը:
Գյուրջինյանը նաև հավելեց, որ հայաստանյան հաստատությունների ցուցանակները ևս միայն օտարալեզու են. «Սա զարգացվածության նշան չէ, մենք ինքնատիպ ենք, հետաքրքիր ենք աշխարհին մեր լեզվով և մշակույթով, մեր տեսակով»:
Լեզվի կոմիտեի նախագահի խոսքով՝ կայքերի անունները ևս պետք է լինեն հայերեն. «Օտարամոլության պարանը չպետք է փաթաթել ՀՀ քաղացիների վզին ու խեղդել.»:
Մանրամասները՝ տեսանյութում:
