20.03.2026 | 13:25
Քննչական կոմիտեից 590 հազ․ դոլար հափշտակելու գործով Գոռ Թադևոսյանն ու Էդգար Գրիգորյանը դատապարտվել են 4 տարի ազատազրկման
Սամվել Բալասանյանի «համեստ» ունեցվածքը. «Փաստ»
13.03.2018 | 09:49
«Փաստ» օրաթերթը գրում է.
ՀՀ Գյումրի համայնքի ղեկավար Սամվել Բալասանյանը Բարձրաստիճան պաշտոնատար անձանց էթիկայի հանձնաժողով է ներկայացրել իր՝ 2017 թ. տարեկան հայտարարագիրը:
Բալասանյանը հայտարարագրել է միայն դրամական միջոցներ ու եկամուտներ: Այսպես՝ նրա դրամական միջոցները կազմել են 2 միլիոն 200 հազար դրամ և 12 հազար 100 ամերիկյան դոլար: Սա 2017թ. վերջին ունեցած տվյալներն են: Տարեսկզբին նա ունեցել է 2 միլիոն 700 հազար դրամ ու 12 հազար 500 ԱՄՆ դոլար:
Տարեկան եկամուտները կազմել են 3 միլիոն 707 հազար դրամ ու ստացվել 3 միլիոն 552 հազար դրամ աշխատավարձից ու 155 հազար դրամ կենսաթոշակից:
Բալասանյանի կինը՝ Ռենատա Գևորգյանը, նույնպևս որևէ անշարժ կամ շարժական գույք չի հայտարարագրել: Նրա դրամական միջոցները կազմել են 300 հազար դրամ ու 1500 ԱՄՆ դոլար:
Տարեկան եկամուտների բաժնում նշված է, որ նվիրատվության կամ օգնության կարգով գույք կամ դրամական միջոցներ է ստացել երկու անգամ, սակայն նշված չէ, թե դրանք որքան են կազմել:
Առավել մանրամասն՝ թերթի այսօրվա համարում:
