16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Թալիբներն Աֆղանստանում գրավել են 6-րդ վարչական կենտրոնը
Քաղաքականություն
09.08.2021 | 20:44
«Թալիբան» շարժումը կարող է կրկին Աֆղանստանը դարձնել միջազգային ահաբեկչության բազա, հայտարարել է Բրիտանիայի Զնված ուժերի հրամանատարության նախկին գեներալը BBC-ի եթերում։ Իսլամիստները շարունակում են գրոհը, երկուշաբթի օրը նրանք գրավել են 6-րդ վարչական կենտրոնը։
Նախօրեին իսլամիստները գրավել էին Կունդուզ վարչական կենտրոնը։ Մի քանի ժամ անց գրավել են ևս երկու վարչական կենտրոն՝ Սարի-Պուլ նահանգի համանուն մայրաքաղաքն ու Տալուկան՝ Թախար նահանգի մայրաքաղաքը։ Այս բոլոր քաղաքները գտնվում են երկրի հյուսիսային շրջաններում։ Այժմ, ինչպես հայտնում են տեղաբնակները, Կունդուզում թալիբները գրավել են կառավարական հաստատությունները՝ քաղաքում ջրի խափանումների ֆոնին։
Երկուշաբթի օրը «Թալիբանը» հերթական անգամ մերժել է հրադարի կոչերն ու հայտարարել է Սամագան նահանգի կենտրոն հանդիսացող ու 9000 բնակիչ ունեցող Այբակ քաղաքի գրավման մասին։
Թալիբների հաջորդ թիրախը, նրանց սեփական խոսքով՝ Պուլի Խումրին է ու Մազարի-Շարիֆն է, որտեղ գտնվում են շիաների համար սուրբ հանդիսացող Կապույտ մզկիթը ։
Տաթև ֆռանգյան
