07.10.2026 | 16:30
ԱԺ-Կառավարություն հարցուպատասխանը՝ ՈՒՂԻՂ
Հացադուլի 27-րդ օրը մտել են խուց, հայհոյել և դաժան ծեծի ենթարկել կալանավորին․ իրավապաշտպան. ՏԵՍԱՆՅՈՒԹ
Հասարակություն
05.08.2021 | 12:53
Հունիսի 30-ին «Նուբարաշեն» ՔԿՀ-ում պահվող կալանավոր Կարեն Հովհաննիսյանը ցնցող վկայություններ է տվել իրեն այցելության եկած իրավապաշտպան Ժաննա Ալեքսանյանին: Նա պատմել է, որ «Նուբարաշենում», երբ հացադուլի մեջ է եղել, ամենօրյա ռեժիմով խոշտանգումների է ենթարկվել:
«Կարեն Հովհաննիսյանը մեղադրվում է սպանության մեջ, նա չի ընդունում մեղադրանքը, հացադուլ է հայտարարել: Քրեակատարողական հիմնարկի աշխատակիցները մտնում էին նրա խուց և ծեծի ենթարկում:
Հացադուլի 27-րդ օրը մտել են 6 հոգով, հայհոյել են, կալանավորը պատասխանել է նրանց, և սկսվել է սարսափելի ծեծը: Իսկ ո՞վ կարող է ծեծել կալանավորին, եթե այդպիսի թույլտվություն չուենա: Որևէ մեկը այդպիսի պատասխանատվություն չի վերցնի:
Դա եղել է երկու տարի առաջ, այդ մասին չի բարձրաձայնվել, և դա բնական է, որ կալանավորը, որը ներսում է և իր հետ այդպես են վարվում, չի կարող բարձրաձայնել այդ մասին»,- այսօր հրավիրված ասուլիսում նշեց Ալեքսանյանը:
Մանրամասները՝ տեսանյութում:
