10.08.2026 | 22:12
ԱՄՆ-ը, Հայաստանը և Ադրբեջանը համատեղ հայտարարություն են տարածել Վաշինգտոնի խաղաղության գագաթնաժողովի տարեդարձի առթիվ
Ռուս սահմանապահների տեղակայման քննարկումները շարունակվում են. Ռուբինյան. ՏԵՍԱՆՅՈՒԹ
Քաղաքականություն
03.08.2021 | 13:32
«Քննարկումները շարունակվում են, այս պահին նոր բան չեմ կարող հայտնել։ Երբ որ նոր զարգացում լինի, կտեղեկանաք այդ մասին։ Մեր ռուս գործընկերների հետ քննարկումների մեջ ենք»,- այս մասին ԱԺ-ում լրագրողների հետ ճեպազրույցում նշեց «Իմ Քայլի» պատգամավոր Ռուբեն Ռուբինյանը՝ պատասխանելով հայ-ադրբեջանական սահմանին ռուս սահմանապահների տեղակայման վերաբերյալ Նիկոլ Փաշինյանի առաջարկի մասին հարցին։
«Խոսքը որևէ համաձայնության կամ անհամաձայնության մասին չէ, հրապարակային հնչեցվել է մեր դիրքորոշումը, և մեր ռուս գործընկերների հետ մենք քննարկումների մեջ ենք: Նորություն հենց որ լինի, կիմանաք:
Մեր դիրքրորոշումը հստակ է՝ ՀՀ սահմանները խախտված են մայիսի 12-ից ադրբեջանական զորամիավորումների ներխուժման բերումով, ինչը մեզ համար անընդունելի է։
Վարչապետ Փաշինյանը ամիսներ առաջ ԱԽ նիստում ներկայացրել է մեր առաջարակը՝ իրավիճակի դեէսկալացիայի վերաբերյալ, երկու կողմից սահմանից զորամիավորումների հայելային հետքաշման վերաբերյալ, որից հետո միայն հնարավոր կլիներ խոսել սահմանագծման ու սահմանազատման վերաբերյալ:
Վերջին հայտարարության մեջ վարչապետը հնչեցրել է առաջարկ առ այն, որ հնարավոր է դիտարկել հայ-ադրբեջանական սահմանին ռուս սահմանապահների և/կամ միջազգային դիտորդների ներկայությունը՝ կրկին սահմանից երկու կողմերի հայելային հետքաշմամբ, որով կարող է հիմք դրել սահմանազատման, սահմանագծման համար։ Սա ամբողջ մեր դիրքորոշումն է ու ամեն ինչ հանրային է»,- նշեց Ռուբինյանը։
Նրա դիտարկմամբ՝ Ադրբեջանն ունի նպատակադրում վնասել ՀԱՊԿ-ի վարկանիշին ու նրա գործողություններն ուղղված են նաև ՀԱՊԿ-ի, ռուս խաղաղապահների դեմ: Ռուբինյանի հավաստմամբ՝ ՀԱՊԿ գործընկերների հետ ևս քննարկումները շարունակվում են։
Մանրամասները՝ տսանյութում:
