15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
Սպիտակ տունը հաստատում է՝ Թրամփն ընդունել է Կիմ Չեն Ընի հետ հանդիպելու առաջարկը
Քաղաքականություն
09.03.2018 | 11:14
Հյուսիսային Կորեայի առաջնորդ Կիմ Չեն Ընը ԱՄՆ նախագահ Դոնալդ Թրամփին առաջարկել է հանդիպել, ու նա համաձայնել է: Այս մասին Սպիտակ տանը տեղի ունեցած մամուլի ասուլիսի ժամանակ հայտարար է Հարավային Կորեայի նախագահի անվտանգության հարցերով խորհրդական Չոն Իյ Յոնը. փոխանցում է korrespondent.net-ը:
Խորհրդականն ընդգծել է, որ հյուսիսկորեացի առաջնորդը ցանկություն է հայտնել «Թրամփի հետ որքան հնարավոր է շուտ հանդիպել»:
Թրամփն իր հերթին հյատարարել է, որ համաձայնել է հանդիպել Կիմ Չեն Ընի հետ համոզվելու համար՝ արդյոք հրաժարվե՞լ է նա միջուկային իր հավակնություններից ու պատրաստ է դա անել «մինչև մայիս»:
«Նա կընդունի Կիմ Չեն Ընի հետ հանդիպելու հրավերն այն վայրում և այն ժամանակ, որոնք հետագայում կորոշվեն: Մենք անհամբերությամբ ենք սպասում Հյուսիսային Կորեայի կողմից միջուկային ծրագրերից հրաժարվելուն: Բայց, միևնույն ժամանակ, պետք է պահպանվեն բոլոր պատժամիջոցներն ու առավելագույն ճնշումը»,- ասել է Սպիտակ տան ներկայացուցիչ Սառա Սանդերսը:
