30.10.2026 | 10:36
Լոռու մարզում փրկարարները դժվարամատչելի տարածքից իջեցրել են քաղաքացուն
Իսրայելը պնդում է, որ ճապոնական լցանավի հարձակման հետևում կանգնած է իրանական կողմը․ Իրանը հերքում է
Քաղաքականություն
01.08.2021 | 19:16
Ճապոնական Mercer Street տանկերի վրա հարձակմանը Թեհրանի մասնակցության մեղադրանքները հիմքեր չունեն։ Այս պնդմամբ հանդես է եկել Իրանի ԱԳՆ պաշտոնական ներկայացուցիչ Սայիդ Խաթիբզադեն։ ՏԱՍՍ-ի փոխանցմամբ՝ նրա խոսքը մեջբերում է Իրանի արտաքին քաղաքական գերատեսչության մամուլի ծառայությունը:
«Իսրայելը պետք է դադարեցնի այդ մերկապարանոց մեղադրանքները։ Մենք դատապարտում ենք նման հայտարարությունները», – ասել է նա՝ պատասխանելով լցանավի վրա հարձակմանը Իրանի մասնակցության մասին հարցին։ Խաթիբզադեն հավելել է, որ «առաջին անգամ չէ, երբ Իսրայելը նման մեղադրանքներ է հնչեցնում Իրանի հասցեին»:
Հինգշաբթի Ճապոնական Mercer Street տանկերը հարձակման է ենթարկվել Արաբական ծովում։ Zodiac Maritime նավի օպերատոր ընկերությունը պատկանում է իսրայելցի գործարար Էյալ Օֆերին։ Միջադեպի հետևանքով զոհվել են անձնակազմի երկու անդամներ ՝ Ռումինիայի և Մեծ Բրիտանիայի քաղաքացիներ, որոնք, ենթադրաբար, պատասխանատու են նավի պահպանության համար: Իսրայելի ԱԳՆ-ն պնդում է, որ հարձակման հետևում կանգնած է իրանական կողմը։
Իսրայելի վարչապետ Նաֆթալի Բենեթը Թեհրանին մեղադրել է Արաբական ծովում Mercer Street ճապոնական լցանավի վրա հարձակման համար պատասխանատվությունից խուսափելու մեջ: Համապատասխան հայտարարությունը վարչապետն արել է կիրակի օրը հրեական պետության կառավարության ամենշաբաթյա նիստում:
