17.12.2025 | 20:49
Մանվել Գրիգորյանի սանիկը՝ Շիրակի մարզպե՞տ․ Դավիթ Առուշանյանի պաշտոնանկության մասին տեղեկություններ են շրջանառվում
Իսկ ինչո՞ւ պետք է ամեն ինչ կառավարությունն անի. Նիկոլ Փաշինյան. ՏԵՍԱՆՅՈՒԹ
Քաղաքականություն
29.07.2021 | 12:22
Կառավարության նիստում քննարկվում է ներդրումային մի ծրագրի, ըստ որի` Արագածոտնի մարզի Ապարան համայնքում 2080 հեկտար հողամասում լեռնադահուկային համալիր կկառուցվի, նախատեսվում է այդ տարածքում նաև խաղատուն և ճոպանուղի կառուցել:
Արագածոտնի մարզպետ Դավիթ Գևորգյանը նշեց, որ պետք չէ միայն խաղատան վրա ուշադրություն դարձնել: «Մեր մարզի տեսլականը և այն ծրագրերը, որոնք հավանության են արժանացել կառավարության կողմից, բացարձակ կապ չունեն խաղատնային բիզնեսի հետ: Ես չեմ ցանկանում, որ մեր մարզն այդ համբավը ձեռք բերի»,-ասաց Գևորգյանը:
Արձագանքելով՝ վարչապետի պաշտոնակատար Նիկոլ Փաշինյանը նշեց. «Ամեն որոշման հետ այսպիսի սարսափի մթնոլորտ ստեղծելը՝ «վա՜յ, էս ինչ են անում, էս ինչ են կառուցում, թող ոչ մի բան չկառուցվի», ճիշտ բան չէ։ Ինչո՞ւ պետք է ամեն ինչ կառավարությունն անի, ներդրողը կգնա, մարդիկ կհաղորդակցվեն, հասկանալի կլինի՝ ինչի մասին է խոսքը:
Հիմա կխորանանք ու կգանք այն եզրակացության, որ հերթական ահասարսուռ դավադրությունն է տեղի ունենում Հայաստանի ու հայ ժողովրդի դեմ: Հետևաբար, քվեարկությունից առաջ մտածեք՝ ինչի օգտին եք քվեարկում, որովհետև պատմությունը, հնարավոր է, ձեզ չների»:
Որոշմանը ոչ ոք դեմ չքվեարկեց, այն միաձայն ընդունվեց:
Մանրամասները՝ տեսանյութում:
