16.09.2026 | 19:50
Նիժնի Տապըռի գեղ եք ուզում, որ ոնց ուզեք՝ ձեր «Մայբախ»-ները քշեք. Փաշինյան
Այսօր Տոկիոյում տեղի կունենա Օլիմպիական խաղերի բացման հանդիսավոր արարողությունը
Քաղաքականություն
23.07.2021 | 11:51
Այսօր Ճապոնիայի մայրաքաղաքում տեղի կունենա Օլիմպիական խաղերի բացման հանդիսավոր արարողությունը։ Սինհուա գործակալության փոխանցմամբ՝ խաղերի բացման արարողությանն ընդառաջ ինքնաթիռներն օդային ցուցադրություն են իրականացրել։
BBC-ի ռուսական ծառայության հաղորդմամբ՝ պաշտոնական հյուրերի շարքում է ԱՄՆ առաջին տիկին Ջիլ Բայդենն ու Էմանուել Մակրոնը։
Օլիմպիական խաղերի անցկացման ընդդիմադիրներն էլ բողոքի ցույց են անցկացնում մարզադաշտի դիմաց։ Վերջին հարցումները ցույց են տվել, որ ճապոնացիների 55%-ը դեմ է Օլիմպիական խաղերի անցկացմանը, նրանք մտավախություն ունեն, որ այն կդառնա վիրուսի տարածման պատճառ։
Խաղերը կշարունակվեն մինչ օգոստոսի 8-ը։
Տոկիոյում արտակարգ դրությունը կշարունակվի նաև Օլիմպիական խաղերի ժամանակ, որի մեծ մասն առանց հանդիսատես կանցկացվի, այդ թվում նաև՝ բացման արարողությունը, դրան ներկա կգտնվի միայն 950 հյուր։
Մի շարք մարզաձևերից որակավորման մրցումները սկսվել էին հուլիսի 21-ին:
Տաթև Ֆռանգյան
