08.11.2024 | 02:01
8-0. «Նոա»-ն չկարողացավ դիմակայել «Չելսի»-ին
33 զոհ, ավելի քան 200 հազար տարհանված․ Չինաստանում ջրհեղեղի հետևանքները
Քաղաքականություն
22.07.2021 | 15:33
Չինաստանի կենտրոնական Հենան նահանգում ջրհեղեղի հետևանքով զոհերի թիվը հասել է 33-ի։ Այս մասին հայտնում է Սինհուա գործակալությունը՝ հղում կատարելով տեղի իշխանությունների հրապարակած տվյալներին։
Նշվում է, որ տարերային աղետի գոտում է հայտնվել շուրջ 3 միլիոն բնակիչ։ 8 մարդ անհետ կորել է, 256 հազար մարդ տարհանվել է ապահով շրջաններ։ Նախնական հաշվարկով հեղեղի հետևանքով շուրջ 215 հազար հա գյուղատնտեսական նշանակության տարածք է ջրածածկ եղել։ Նյութական վնասը հասնում է շուրջ 190 մլն դոլարի։
Հիշեցնենք՝ Չինաստանի Հենան նահանգում ռեկորդային ծավալի տեղումներից հետո Չժենչժոու քաղաքում հեղեղվել էր նաև մետրոն։
Տաթև Ֆռանգյան
