13.03.2026 | 14:21
Իրաքում ԱՄՆ ինքնաթիռի վթարի հետևանքով անձնակազմի 4 անդամ է զոհվել
Էքստրասենսի սպանության համար 20 տարվա ազատազրկման դատապարված Մուշեղ Մխիթարյանի պաշտպանը պահանջում էր արդարացման դատավճիռ
Հասարակություն
06.03.2018 | 14:37
2015 թվականին սպանված էքստրասենս Անի Մաջնունյանի գործով դատավճիռը հրապարակվեց։ Այս գործով միակ ամբաստանյալ Մուշեղ Մխիթարյանը դատապարտվեց 20 տարվա ազատազրկման։ Վերջինս, սակայն, իրեն մեղավոր չի ճանաչում։ Դատական վերջին նիստում Մխիթարյանի պաշտպանը հանդես էր եկել պաշտպանական ճառով, նա դատարանից պահանջել էր կայացնել արդարացման դատավճիռ՝ «հանցակազմի բացակայության հիմքով»։
Մուշեղ Մխիթարյանի պաշտպան Մարինե Ֆարմանյանը Factor.am-ի հետ զրույցում չկարողացավ հստակ ասել՝ կբողոքարկի՞ դատարանի այս որոշումը, թե՞ ոչ․ «Դեռ պետք է տեսակցեմ իմ պաշտպանյալին, որից հետո որոշման մասին կհայտնեմ»։
Հիշեցնենք, որ 2015թ. օգոստոսի 5-ին Երևանի Մազմանյան 5 շենքի թիվ 20 բնակարանում հայտնաբերվել էր «6-րդ զգայարան» հաղորդաշարի էքստրասենս՝ 53-ամյա Անի Մաջնունյանի դին՝ բազմաթիվ ծակած-կտրած վնասվածքներով: Դեպքի առիթով Աջափնյակ և Դավթաշեն վարչական շրջանների քննչական բաժնում հարուցվել էր քրեական գործ՝ ՀՀ քրեական օրենսգրքի 104 հոդվածի 2-րդ մասի 8-րդ կետով (սպանություն՝ զուգորդված ավազակությամբ):
Լիլիթ Շաբոյան
