19.05.2026 | 20:21
«Գործակալնե՛ր, ՀՀ-ն գալու է ձեր հետևից»․ Փաշինյանը՝ Սամվել Կարապետյանի և ФСБ-ի կապի մասին
Բարեհաջող ավարտվել է Ջեֆ Բեզոսի առաջին կոմերցիոն թռիչքը դեպի տիեզերք
Քաղաքականություն
20.07.2021 | 19:49
Մոլորակի ամենահարուստ մարդկանցից մեկը՝ «Amazon»-ի և «Blue Origin»-ի հիմնադիր Ջեֆ Բեզոսը, 3 ուղևորների հետ միասին New Shepard հրթիռակրով թռել է տիեզերք ու բարեհաջող վայրէջք կատարել Տեխասի Launch Site One տիեզերակայանից ոչ հեռու, գրում է Ինտերֆաքսը։
Սա Բեզոսի և Blue Origin-ի համար պատմական իրադարձություն է, քանի որ ընկերությունն առաջին անգամ է դեպի տիեզերք կոմերցիոն թռիչք իրականացրել: Թռիչքը տևել է 11 րոպեից պակաս։ Տիեզերական զբոսաշրջիկներին դիմավորել են լրագրողները և թռիչքի այլ ականատեսներ:
Ամերիկացի գործարարին թռիչքի ժամանակ ընկերակցել են նրա եղբայրը՝ Մարկը, իր թռիչքին 60 տարի սպասած 82-ամյա օդաչու Ուոլի Ֆանկը, որը տիեզերք թռչելու համար նախապատրաստում էր անցել դեռևս 1960-ականներին, սակայն այդպես էլ չէր թռել, ինչպես նաև 18-ամյա Օլիվեր Դեմենը։
Հիշեցնենք՝ Բեզոսից առաջ տիեզերք էր հասել «Virgin Group» կորպորացիայի հիմնադիր, միլիարդատեր Ռիչարդ Բրենսոնը։
Տաթև Ֆռանգյան
