31.07.2026 | 00:19
Կոնֆերենցիաների լիգա. «Ալաշկերտը» 10 ֆուտբոլիստով պարտվեց «Կլուժին»
Հակառակորդի կրակոցից վիրավորված Երասխի համայնքապետին վիրահատել են
20.07.2021 | 12:16
Արարատի մարզի Երասխ համայնքի ղեկավար, հակառակորդի կրակոցից վիրավորում ստացած Ռադիկ Օղիկյանին վիրահատել են, նրա ինքնազգացողությունը լավ է:
Factor.am-ի հետ զրույցում այս մասին տեղեկացրեց «Աստղիկ» բժշկական կենտրոնի տնօրեն Ասատուր Ասատրյանը։
Նրա խոսքով՝ Օղիկյանն իրենց մոտ տեղափոխվել է գիշերը՝ ձեռքի և ուսի շրջանում բեկորային վիրավորմամբ։
Մինչ այդ, համայնքապետն «Արարատի հիվանդանոց» ԲԿ-ում էր, սակայն այնտեղ կարողացել են ցուցաբերել միայն առաջին բուժօգնություն: «Կեսգիշերին մեզ մոտ տեղափոխվեց Ռադիկ Օղիկյանը՝ գնդակը ուսի հատվածում։ Մենք չունեինք անհրաժեշտ բժշկական տեխնիկան, ուստի վերքը մշակելուց անմիջապես հետո՝ տեղափոխեցինք Երևան»,- Factor.am-ի հետ զրույցում տեղեկացրեց ԲԿ տնօրեն Արայիկ Սարդարյանը։
Հուլիսի 19-ի ուշ երեկոյան և 20-ի գիշերը, մինչև ժամը 02։00-ն, ադրբեջանական զինված ուժերը շարունակել է հրաձգային զինատեսակներից, առանց ականանետերի կիրառման, գնդակոծել հայ-ադրբեջանական սահմանի Երասխի հատվածում տեղակայված հայկական դիրքերը:
Ըստ պաշտոնական տեղեկատվության՝ Օղիկյանը վիրավորվել է այն պահին, երբ փորձել է կազմակերպել ադրբեջանցիների գործողությունների հետևանքով տեղանքում բռնկված հրդեհը մարելու աշխատանքները։
Ռոզա Վարդանյան
