18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Վարչապետի նշանակում, ԱԺ ղեկավար կազմի ընտրություն․ ինչ է սպասվում ԱԺ առաջին նիստին. ՏԵՍԱՆՅՈՒԹ
Քաղաքականություն
19.07.2021 | 21:15
Սահմանադրական դատարանը հուլիսի 17-ի որոշմամբ անփոփոխ թողեց ԱԺ արտահերթ ընտրությունների արդյունքները։ Բարձր դատարանում արդյունքները վիճարկող 4 ուժերը՝ «Հայաստան» և «Պատիվ ունեմ» դաշինքները, «Հայոց Հայրենիք» և «Զարթոնք» կուսակցությունները դժգոհ մնացին որոշումից, որոնցից առնվազն երկուսի՝ «Հայաստան» և «Պատիվ ունեմ» դաշինքների համար այն անակնկալ չէր։ Կողմերը վստահ են, որ քաղաքական գործոնն իր ազդեցությունն է ունեցել։
«ՍԴ-ի նկատմամբ քաղաքական ճնշումները պարզ և հստակ էին։ 9 դատավորներից յուրաքանչյուրը պատկերացնում էր, որ իշխանությանը դեմ գնալու դեպքում իրեն կարող է փռեն ասֆալտին, վենդետա լինի, կտրեն մատները։ ՍԴ-ն այս պայմաններում չունեցավ խիզախություն՝ կայացնելու ճիշտ որոշում»,-ՍԴ նիստից հետո ասաց «Հայաստան» դաշինքի ներկայացուցիչ Արամ Վարդևանյանը։
«Ակնհայտ էր, թե պրոցեսն ինչպես է վարվում։ Որոշումն իրավական է, սակայն քաղաքական ազդեցության տակ ընդունված»,- իր հերթին նշեց «Պատիվ ունեմ» դաշինքի ներկայացուցիչ Դավիթ Հարությունյանը։
Ինչ է սպասվում այժմ՝ ՍԴ որոշումից հետո. ԿԸՀ քարտուղար Արմեն Սմբատյանը տեղեկացրեց՝ ԿԸՀ-ն մինչև հուլիսի 21-ը ժամկետ է սահմանել՝ պատգամավորի թեկնածուների ինքնաբացարկի դիմումների ներկայացման համար։ ԿԸՀ-ն այս շաբաթվա ընթացքում նիստ կգումարի և կարձանագրի այն անձանց անունները, որոնք կստանան մանդատ և կլինեն ԱԺ պատգամավոր։ Սմբատյանի խոսքով՝ առայժմ որևէ թեկնածուից ինքնաբացարկի դիմում չի ստացվել։
Այս փուլի ավարտից հետո օրենքի պահանջով կնշանակվի նորընտիր խորհրդարանի անդրանիկ նիստի օրը։ Ըստ ԿԸՀ քարտուղարի՝ 8-րդ գումարման խորհրդարանի առաջին նիստը տեղի կունենա օգոստոսի 2-ին՝ համաձայն Սահմանադրության նախատեսած ժամկետի, ոչ թե հուլիսի 26-ին, ինչպես այս օրերին կարծիք են հայտնում տարբեր շրջանակներ։
Մանրամասները՝ տեսանյութում։
Մերի Մարտիրոսյան
