11.10.2026 | 12:45
ԱԹՍ-ների պատճառով Վլադիմիրում Yandex-ի տվյալների կենտրոնը դադարեցրել է աշխատանքը․ խնդիրներ՝ նաև Հայաստանում
ԲԴԽ-ն քննում է դատավոր Դավիթ Գրիգորյանին կարգապահական պատասխանատվության ենթարկելու հարցը
Հասարակություն
15.07.2021 | 16:52
Բարձրագույն դատական խորհրդում մեկնարկել է Երևանի ընդհանուր իրավասության դատարանի դատավոր Դավիթ Գրիգորյանին կարգապահական պատասխանատվության ենթարկելու մասին ՀՀ արդարադատության նախարարության կողմից ներկայացված միջնորդության քննարկումը:
Միջնորդությունը խորհուրդ ներկայացրել էր արդարադատության նախարար Ռուստամ Բադասյանը, սակայն, քանի որ նա արձակուրդում է, նիստին մասնակցում է ՀՀ արդարադատության նախարարի տեղակալ Քրիստիննե Գրիգորյանը:
Մինչ Գրիգորյանը կներկայացներ դատավորին պատասխանատվության ենթարկելու մասին միջնորդության հիմքերը, ԲԴԽ անդամ Լիպարիտ Մելիքջանյանն ինքնաբացարկի միջնորդություն ներկայացրեց։ Նրա խոսքով՝ քաղաքացիական գործերից մեկով իրենք հանդիսանում են դատավարության հակառակ կողմերը։ Նմանատիպ միջնորդություն էին նախատեսել նաև Դավիթ Գրիգորյանի ներկայացուցիչները։
Կարճ ժամանակ խորհրդակցական սենյակում անցկացնելուց հետո, խորհուրդը որոշեց բավարարել Մելիքջանյանի ինքնաբացարկի միջնորդությունը։
Հիշեցնենք, որ կարգապահական պատասխանատվության ենթարկելու համար դիմող կողմը հիմք է ընդունել կայքերից մեկում հրապարակված հարցազրույցը դատավոր Դավիթ Գրիգորյանի հետ։ Վերջինս խոսել էր ՍԴ-ի կողմից ենթադրյալ սահմանադրական կարգի տապալման ՀՀ Քրեական օրենսգրքի 300.1 հոդվածը Սահմանադրությանը հակասող ճանաչելու որոշման մասին:
Նշենք, որ Գրիգորյանը եղել է ՀՀ երկրորդ նախագահ Ռոբերտ Քոչարյանի և մյուսների գործը քննող դատավորներից մեկը:
