ՊԵԿ-ի պարզաբանումը պղնձի խտանյութի արտահանման խոչընդոտների վերաբերյալ հայտարարության մասին

Օրերս «Հայաստան» դաշինքի ներկայացուցիչների հրավիրված մամուլի ասուլիսի ժամանակ դաշինքի անդամ և «Զանգեզուրի պղնձամոլիբդենային կոմբինատ» ՓԲԸ խորհրդի անդամ Վահե Հակոբյանը հայտարարել էր, թե իշխանությունները չեն թույլատրում խտանյութի արտահանումը, և 40 վագոն խտանյութ կանգեցված է սահմանին։

Factor.am-ը հայտարարության հետ կապված գրավոր հարցում է ուղարկել ՊԵԿ, պարզելու՝ որքանո՞վ է հայտարարությունը համապատասխանում իրականությանը։
«12 օրից ավելի է՝ արդեն մեր երկրի իշխանությունները ապօրինի թույլ չեն տալիս խտանյութի արտահանումը, ինչը բերում է որոշ խնդիրների և, բնական է, վնասների, չհասկանալով, որ կանգնում է income-ը տարադրամի, արդեն մոտ 20 մլն դոլար չի մտել Հայաստան 12 օրվա ընթացքում և դա հղի է ինչպես գիտեք մեր առկա երկրում տարադրամի կուրսի տատանմանը, եթե այսպես շարունակվի» ,- ասել էր Վահե Հակոբյանը։
ՊԵԿ-ին ուղվված գրավոր հարցումը խնդիր ուներ պարզելու ․
1․Որքանով է իրականությանը համապատասխանում խտանյութի արտահանման արգելքի մասին պնդումը։
2․ Եթե արգելք իսկապես կիրառվել է՝ նշել իրավական հիմքերը։
3․Ինչպե՞ս կմեկնաբանեն 20 մլն դոլարի չափով վնասի մասին պնդումը։

Մեր հարցմանը ՊԵԿ-ից պատասխանել են 1 աշխատանքային օրվա ընթացքում՝ հետևյալ բովանդակությամբ․
«Բարձրացված հարցերի հետ կապված տեղեկացվում է, որ իրականացվում են ընթացիկ աշխատանքներ մաքսայի հսկողության հետ կապված, դրանք չեն կրում արտառոց բնույթ, հանդիսանում են մաքսային մարմինների ամենօրյա աշխատանքը։
Վերը նշվածի մասին գրավոր կերպով տեղեկացվել է նաև Զանգեզուրի պզնձամոլիբդենային կոմբինատ» ՓԲ ընկերությունը»։

Մերի Մանուկյան