19.11.2024 | 15:25
Շինարարության ոլորտից այս տարի 18 մլրդ դրամ ենք հավաքագրել, Մարությանի օրոք զրո էր․ Ավինյան․ ՏԵՍԱՆՅՈՒԹ
Երևանի Արցախի փողոցում գտնված նորածնի վիճակը կայուն է, նվազել է թթվածնակախվածությունը
Հասարակություն
15.07.2021 | 13:03
«Մուրացան» համալսարանական հիվանդանոցային համալիրի մանկական և նորածնային վերակենդանացման կլինիկա տեղափոխված նորածնի վիճակն այս պահի դրությամբ կայուն է։ Կլինիկայի ղեկավար Հրանտ Կալենտերյանը հայտնել է, որ երեխայի թթվածնակախվածությունը նվազել է և վիճակի վատթարացում չկա։
Հիշեցնենք, որ հուլիսի 13-ին Ոստիկանության Էրեբունու բաժին էր ահազանգել Երևանի Արցախի փողոցի 8/4 շենքի բնակիչ Լուսինե Գալստյանը և հայտնել, որ իր հարևանուհու բնակարանի մուտքի մոտ նորածին են թողել: Երեխային տեղափոխել էին Մուրացան համալսարանական հիվանդանոց։ Հիվանդանոցի մանկական և նորածնային վերակենդանացման կլինիկայի ղեկավար Հրանտ Կալենտերյանը Factor.Tv-ին հայտնել էր, որ նորածին աղջնակը բնածին արատներ չունի, սակայն ոչ հիվանդանոցային պայմաններում պահվելու հետեվանքով ունի վարակներ։ Բժիշկները ենթադրում են, որ վարակը կարող է անցած լինել չմշակված պորտալարով։ Փոքրիկը ծնվել է 2 կիլոգրամ 600 գրամ քաշով։
