14.09.2026 | 20:30
Ադրբեջանը սարքել է եվրոպացի դիվանագետների գլխին՝ մասնակից դարձնելով իր կազմակերպած շոուին․ Էդգար Առաքելյան. ՏԵՍԱՆՅՈՒԹ
Մենք պետք է սպասենք այնքան, մինչև Ադրբեջանը կհանի իր զորքերը մեր տարածքից. Տիգրան Ավինյան. ՏԵՍԱՆՅՈՒԹ
Քաղաքականություն
14.07.2021 | 19:43
Սահմանային լարվածություն կա, և դա ստեղծում է Ադրբեջանը։ Այսօր լրագրողների հետ զրույցում անդրադառնալով հայ-ադրբեջանական սահմանին տեղի ունեցած վերջին դեպքերին, այսպիսի հայտարարություն արեց ՀՀ փոխվարչապետի պաշտոնակատար Տիգրան Ավինյանը։
«Ադրբեջանական կողմն է հաճախակիորեն լարվածություն ստեղծում սահմանին։ Շատ կարևոր է, որ մենք ինքներս հասկանաք, ընդունենք, ինչպես նաև համոզենք մեր միջազգային գործընկերներին։ Սահմանային նմանատիպ լարվածություններին պետք է տալ սիմետրիկ պատասխաններ` հնարավորինս զսպված, բայց և հասկանալ, որ սահմանային անվտանգությունը մեր զինված ուժերի, մեր սահմանապահ զորքերի պարտականությունն է, և մեր պարտականությունն է դա ապահովել»,- ասաց Ավինյանը։
Խոսելով սահմանազատման ու սահմանագծման գործընթացի հնարավորության մասին` Ավինյանն ընդգծեց, որ դա վաղ թե ուշ պետք է դա տեղի ունենա, ընդ որում, բոլոր հարևանների հետ։ «Բայց, այսպես ասած, շատ կոպիտ խախտելով մեր սահմանը և տեղակայվելով մեր սահմանի ներսում ու շանտաժային մեթոդով փորձել մղել մեզ ինչ-որ գործողությունների, դա անարդյունավետ ճանապարհ է, որևէ արդյունք չի կարող տալ։ Այսինքն` շանտաժի մեթոդը ՀՀ իշխանությւնների ու ՀՀ ժողովրդի համար ընդունելի լինել չի կարող։
Հարցին, թե երբ կսկսվեն սահմանազատման և սահմանագծման աշխատանքները, Ավինյանը պատասխանեց, որ Ադրբեջանի կողմից ստեղծված արհեստական խնդիրների լուծումից հետո միայն հայկական կողմը կխոսի ֆունդամենտալ հարցերի մասին։
Արդեն ավելի քան 2 ամիս է՝ Ադրբեջան իր զորքերը չի հանում Հայաստանի սուվերեն տարածքից, ինչքան պետք է սպասենք: Այս հարցին ի պատասխան՝ Ավինյանը պատասխանեց. «Պետք է սպասենք այնքան, մինչև ադրբեջանական զորամիավորումները դուրս գան մեր տարածքից: Եվ մենք ամեն ինչ պետք է անենք, որ հարցը լուծվի դիվանագիտական ճանապարհով»:
Մանրամասները՝ տեսանյութում:
