15.02.2026 | 19:50
ԱՄՆ-ը կասկածի տակ չի դնում եվրոպական երկրների եզրակացությունները Նավալնիի էպիբատիդինով թունավորման վերաբերյալ․ Մարկո Ռուբիո
Վարանդայում կրկին ականի վրա ադրբեջանցի է պայթել
Հասարակություն
12.07.2021 | 14:10
Արցախի գրավյալ շրջաններում ադրբեջանցիների՝ ականի վրա պայթելու հերթական դեպքն է գրանցվել, այս անգամ ևս՝ Վարանդայում (Ֆիզուլի)։ Մասնավորապես, ադրբեջանական լրատվամիջոցները, վկայակոչելով Ֆիզուլիի շրջանային դատախազությանը, հայտնում են, որ հուլիսի 12-ին ժամը 11։00-ի սահմաններում ականի վրա մեկ քաղաքացի է պայթել։
Նախաքննության ընթացքում պարզվել է, որ «Քերփյու-Բինա-Թիքինթի» ՍՊԸ-ի վարորդը՝ Եվլախի շրջանի բնակիչ Էլշան Խալիլովը (ծնված 1987թ․), Կարախանբեյլի գյուղում աշխատանքների ընթացքում տարբեր աստիճանի վնասվածքներ է ստացել չպայթած կասետային ռումբի հետ շփման հետևանքով։ Դեպքի առնչությամբ կատարվում է հետաքննություն։
Նշենք, որ մի քանի օր առաջ էլ Ֆիզուլիի շրջանում երկու ադրբեջանցի էր պայթել ականի վրա։ Հուլիսի 8-ին Նուրու Նուրիևն ու Էլնուր Հաշիմովը շրջանցել էին հսկիչ անցակետերն ու մուտք գործել Աշաղի Աբդուրահմանլի գյուղի տարածք, որտեղ պայթել էին ականի վրա։ Արդյունքում Նուրիևը մահացել է, իսկ Հաշիմովի ոտքերն անդամահատել են։
Վերջերս Ադրբեջանի ԱԳ նախարարը հայտարարել էր, որ ռազմական գործողությունների ավարտից հետո մինչ այսօր Արցախի գրավյալ տարածքներում ականի վրա պայթելու հետևանքով մահացել է Ադրբեջանի 28 քաղաքացի, ավելի քան 120-ը՝ վիրավորում ստացել։
Էմմա Չոբանյան
