Փաշինյանը՝ բարդ որոշումների հրամայականի առաջ. ի՞նչ էր ակնարկում Պուտինը․ ՏԵՍԱՆՅՈՒԹ

Լուրեր

16.11.2026 | 11:16
19-ամյա Միրա Անդրեևան Ամփոփիչ մրցաշարի 2-րդ ամենաերիտասարդ հաղթողն է. ՏԵՍԱՆՅՈՒԹ
16.11.2026 | 11:04
Պեկինը հաստատել է՝ Չինաստանի, ԱՄՆ-ի և ՌԴ-ի ղեկավարները նոյեմբերի 19-ին եռակողմ հանդիպում կանցկացնեն Շենժենում
16.11.2026 | 11:02
Ժողովրդավարության հետընթացը, հալածանքների ենթարկվող անձանց իրավունքների պաշտպանությունը. ՈՒՂԻՂ
16.11.2026 | 11:02
ԱԺ պաշտպանության և անվտանգության հարցերի հանձնաժողովի նիստը. ՈՒՂԻՂ
16.11.2026 | 10:55
Հակակոռուպցիոն կոմիտեն Չինաստանի հետ քննարկել է կոռուպցիայի դեմ պայքարում համագործակցությունն ու տեխնիկական աջակցության հնարավորությունը
16.11.2026 | 10:42
Ամուսինը դանակով հարվածներ է հասցրել կնոջը և արգելել նրա շփումը երեք մանկահասակ երեխաների հետ․ ՔԿ
16.11.2026 | 10:30
Արտարժույթների փոխարժեքները՝ նոյեմբերի 16-ի դրությամբ
16.11.2026 | 10:23
Իսպանիայի հավաքականի ռեկորդային անպարտելի շարքն ավարտվել է. ՏԵՍԱՆՅՈՒԹ
16.11.2026 | 10:15
Աննա Վարդապետյանն ու Դուբայի գլխավոր դատախազը քննարկել են ապօրինի գույքի բռնագանձման և փողերի լվացման դեմ պայքարի հարցեր
16.11.2026 | 10:01
ԱԺ առողջապահության հարցերի հանձնաժողովի նիստը՝ ՈՒՂԻՂ
16.11.2026 | 09:58
46-ամյա Ռոնալդինյոն առաջին հանդիպումն է անցկացրել կարիերայի վերսկսումից հետո. ՏԵՍԱՆՅՈՒԹ
16.11.2026 | 09:50
«Ձորակ» խնամքի կենտրոնում ՄԻՊ-ն համակարգային խնդիրներ է արձանագրել․ սննդի որակից մինչև ոչ պատշաճ պայմաններ
16.11.2026 | 09:45
Փաշինյանն ու Կամբոջայի վարչապետը քննարկել են առևտրատնտեսական համագործակցության ընդլայնման հնարավորությունները
16.11.2026 | 09:38
Վահան Բիչախչյանը «Լեգիայի» կազմում գոլ է խփել երկրորդ խաղում անընդմեջ. ՏԵՍԱՆՅՈՒԹ
16.11.2026 | 09:30
Երևանի քաղաքապետարանի գործակարգավարական խորհրդակցությունը. ՈՒՂԻՂ
Բոլորը

Նիկոլ Փաշինյանն առաջիկայում բարդ որոշումներ կայացնելու հրամայականի առաջ է կանգնելու: Երեկ Մոսկվայում կայացած Պուտին-Փաշինյան հանդիպումից հետո Երևանում նման վերլուծություններ են անում փորձագիտական շրջանակները:

Հիշեցնենք՝ ՌԴ նախագահը ուղիղ տեքստով Փաշինյանին ասաց, որ բարդ, շատ սուր և զգայուն հարցեր կան, որոնք պետք է լուծել: Պուտինը, միաժամանակ, ակնարկեց, որ Փաշինյանն ունի հայաստանցիների մեծամասնության վստահությունը, որը կօգնի նրան հասնել այդ հարցերի լուծմանը:

Երևանում փորձագիտական շրջանակները, հաշվի առնելով հետպատերազմական իրավիճակով ստեղծված խնդիրները, նշում են, որ Պուտինը նկատի է ունեցել ԼՂ հիմնախնդիրը, հայ-ադրբեջանական սահմանազատումը և գերիների վերադարձի հարցը:

Քաղաքագետ Ալեքսանդր Մարգարովի խոսքով՝ Պուտինի ակնարկից պարզ է դառնում, որ Հայաստանի անվտանգային խնդիրների լուծման հարցում ՌԴ-ի ներգրավվածությունը մեծանում է:

Իսկ ի՞նչ կարելի է հասկանալ «բարդ որոշումներ» ձևակերպման տակ։ Ռազմաքաղաքական փորձագետ Արմինե Մարգարյանը կարծում է՝ Պուտինի խոսքերից կարելի է ենթադրել, որ առաջիկայում ականատես ենք լինելու բավական ինտենսիվ գործընթացների, մասնավորապես՝ կարող է լինել գերիների վերադարձ, բայց՝ նոր զիջումների դիմաց: Ռազմաքաղաքական փորձագետը շեշտում է՝ հայկական կողմին բարդ որոշումներ են սպասվում նաև սահմանազատման և սահմանագծման գործընթացում: Այստեղ ևս զիջումները, ըստ նրա, անխուսափելի են:

Նիկոլ Փաշինյանը վերջերս 15 հայ գերիների վերադարձի համար, որի դիմաց, հիշեցնենք, հայկական կողմը Ադրբեջանին է փոխանցել ականապատված տարածքներից ևս երկուսի քարտեզները, շնորհակալություն էր հայտնել Պուտինին:

Ռազմաքաղաքական փորձագետից հետաքրքրվեցինք՝ ինչո՞ւ Հայաստանի վարչապետի պաշտոնակատարն ուղիղ տեքստով չի պահանջում, որ ՌԴ-ն միջամտի, որպեսզի ադրբեջանական կողմը կատարի նոյեմբերի 9-ի փաստաթղթի 8-րդ կետը, որով նախատեսվում է գերիների, պատանդների և այլ պահով անձանց վերադարձ:

Արտահերթ ընտրություններից հետո ուշագրավ է, որ Նիկոլ Փաշինյանն առաջին արտասահմանյան այցը կատարում է հենց Ռուսաստանի Դաշնություն: Ռուսական «Коммерсантъ»-ը, անդրադառնալով Փաշինյանի մոսկովյան այցին, «Նիկոլ Փաշինյանը Մոսկվայից լեգիտիմություն է տանում» վերնագրով հոդված է հրապարակել և շեշտել, որ Պուտինը շնորհավորանքը նշանակում է «Մոսկվայի կողմից հայաստանյան խորհրդարանական ընտրությունների արդյունքների վերջնական ճանաչում»:

Երևանում Փաշինյանի հետընտրական առաջին այցը Մոսկվա պատահական չեն համարում: Իշխող ՔՊԿ վարչության անդամ, վարչապետի աշխատակազմի նախկին ղեկավար Արսեն Թորոսյանը, մեկնաբանելով Փաշինյան-Պուտին հանդիպումը, ասաց, որ ենթատեքստեր փնտրել պետք չէ: Հայաստանի և ՌԴ-ի ղեկավարները քննարկել են տարածաշրջանային անվտանգային հարցեր: Իսկ թե Փաշինյանն ու Պուտինը փակ դռների հետևում ի՞նչ են քննարկել և ի՞նչ զարգացումներ կունենան այդ քննարկումները, պաշտոնական աղբյուրները մանրամասներ չեն հրապարակում:

Մանրամասները՝ տեսանյութում։

Նարեկ Կիրակոսյան