16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Թուրքիայի ընդդիմությունը կողմնորոշվել է՝ ով է լինելու 2023 թվականի ընտրությունների ժամանակ Էրդողանի մրցակիցը
Քաղաքականություն
07.07.2021 | 18:45
Թուրքիայի հիմնական ընդդիմադիր Ժողովրդա-հանրապետական կուսակցությունը 2023 թվականի կայանալիք ընտրություններում որպես նախագահի թեկնածու կառաջադրի Քեմալ Քըլըչդարօղլուին։ Այս մասին հայտարարել է կուսակցության փոխնախագահ Բյուլենթ Քուշօղլուն, գրում է EA Daily-ն:
Չնայած կուսակցությունը դեռևս որոշման մասին պաշտոնական հայտարարությամբ հանդես չի եկել, Քեմալ Քըլըչդարօղլուն վերջերս հեռուստատեսային հարցազրույցներից մեկի ժամանակ ասել է, որ մարդիկ ազատ կլինեն քննադատել իրեն, եթե ընտրվի պետության ղեկավար:
Ժողովրդա-հանրապետական կուսակցությունն «Ազգի դաշինք»-ի մի մասն է, որում ներառված են աջակողմյան «Լավ» կուսակցությունը (İYİ) և պահպանողական «Երջանկություն» կուսակցությունը (SP): Այս քաղաքական խմբի հետ 2018-ի վերջին տեղի ունեցած ընտրություններին մրցակցում էր իշխող «Արդարություն և զարգացում» կուսակցությեւնը, ինչպես նաև «Ազգայնական շարժում» կուսակցությունը։
Տաթև Ֆռանգյան
