19.12.2025 | 02:04
Կոնֆերենցիաների լիգա․ Վահան Բիչախչյանը՝ գոլի հեղինակ․ ՏԵՍԱՆՅՈՒԹ
ԱՀԿ-ն Եվրոպայի ֆուտբոլի աշխարհի առաջնությունը դիտարկում է որպես վիրուսի օջախ
Քաղաքականություն
02.07.2021 | 13:11
Առողջապահության համաշխարհային կազմակերպությունը (ԱՀԿ) հայտնել է, որ վերջին շաբաթվա ընթացքում երկարատև անկումից հետո Եվրոպայում Covid-19-ի նոր դեպքերի թիվն աճել է 10%-ով, և դրա պատճառներից մեկը, չնայած՝ ոչ միակ պատճառը, կարող է լինել ֆուտբոլի Եվրոպայի առաջնության հանդիպումները, գրում է BBC-ի ռուսական ծառայությունը:
Ճիշտ է, վարակի դեպքերը գրեթե չեն ավելանում Եվրոպայի ամենամեծ երկրներում՝ Գերմանիայում, Ֆրանսիայում, Իտալիայում, բայց այն մեծ ցատկ է գրանցել Բրիտանիայում և Ռուսաստանում: Ընդ որում, շատ վարակվածներ հայտնաբերվել են երկրպագուների շրջանում, որոնք այցելել են Լոնդոն և Սանկտ Պետերբուրգ:
Վիրուս է հայտնաբերվել յուրաքանչյուր 5-րդ երկրպագուի մոտ, որոնք վերադարձել են Պետերբուրգից, որտեղ քովիդից մահացությունների թիվը նոր ռուսական հակառեկորդներ է խփում։ Շոտլանդիայում 1294 նոր դեպք է գրանցվել, որոնք կապված են երկրպագուների հետ․ նրանք Լոնդոն են մեկնել Շոտլանդիա-Անգլիա խաղին ներկա գտնվելու համար։
Ընդհանուր առմամբ, ԱՀԿ-ն կորոնավիրուսի նոր շտամի տարածման թվի աճը կապում են բազմաթիվ սահմանափակումների չեղարկման կամ չհետևելու, ինչպես նաև պատվաստումների անբավարար արագության հետ։
Տաթև Ֆռանգյան
