19.11.2024 | 14:32
Շարունակելու եմ պայքարել հայ գերիների ազատ արձակման, ՀՀ տարածքային ինքնաիշխանության համար․ Ֆրենկ Փալոն
ՀԱՊԿ Խորհրդարանական վեհաժողովը կարող է ընդլայնվել նոր գործընկեր պետությունների ներգրավմամբ
Քաղաքականություն
01.07.2021 | 15:27
Հավաքական անվտանգության պայմանագրի կազմակերպության (ՀԱՊԿ) Խորհրդարանական վեհաժողովը (ԽՎ) նախատեսում է ստեղծել գործընկեր պետությունների ինստիտուտ, որը ՀԱՊԿ ԽՎ-ում խորհրդատվական ձայն կստանա: Այս մասին այսօր հայտարարել է ՀԱՊԿ ԽՎ նախագահ, ՌԴ Պետդումայի խոսնակ Վյաչեսլավ Վոլոդինը, գրում EurAsia Daily-ն:
«Առաջարկվում է դիտարկել ՀԱՊԿ Խորհրդարանական վեհաժողովի համար գործընկերության նոր ինստիտուտ ստեղծելու հարցը: Նրանք կստանան խորհրդատվական ձայնի իրավունք, մասնակցություն փաստաթղթերի պատրաստմանը և կոլեկտիվ որոշումների մշակմանը»,- ասել է Վյաչեսլավ Վոլոդինը կազմակերպության խորհրդի նիստում:
Ըստ նրա՝ նոր կարգավիճակի ի հայտ գալը մեծ նշանակություն ունի Վեհաժողովի արդյունավետության բարձրացման, դրա բաց լինելու համար:
Վոլոդինը նաև կոչ է արել ուժեղացնել համակարգումը ՀԱՊԿ ԽՎ-ում՝ միջազգային հարթակներում «կազմակերպության օրակարգի առավել արդյունավետ խթանման և պաշտպանության համար»:
Տաթև Ֆռանգյան
