11.12.2025 | 18:15
Միքայել արքեպիսկոպոս Աջապահյանին թույլ են տվել տեղափոխել «Իզմիրլյան» ԲԿ
Նախատեսում ենք մի քանի ջրամբարներ կառուցել, որպեսզի կառավարենք ջրային ռեսուրսները․ Բեգլարյան. ՏԵՍԱՆՅՈՒԹ
Տնտեսություն
01.07.2021 | 10:56
Արցախյան 44-օրյա պատերազմի հետևանքով ջրային ռեսուրսների կամ ակունքների վերահսկողության կորուստներ ենք ունեցել: Առցանց ասուլիսի ժամանակ այս մասին նշեց Արցախի պետնախարար Արտակ Բեգլարյանը:
ԱՀ պետնախարարը Արցախում ջրային ռեսուրսների հետ կապված կառավարության ծրագրի որոշ մանրամասներ ներկայացրեց:
«Զգալի ծրագրեր արդեն նախատեսված են, որոնց մի մասի վերաբերյալ Արցախի նախագահ Արայիկ Հարությունյանը ներկայացրել է Ազգային ժողովում: Մասնավորապես, նախատեսում ենք մի քանի ջրամբարներ կառուցել, որպեսզի ավելի հեշտ լինի կառավարել մեր ջրային ռեսուրսները: Զուգահեռաբար խմելու ջրի հարցերը բոլոր համայնքներում նախատեսում ենք մոտ երեք տարվա ընթացքում լուծել, այդ թվում` Ստեփանակերտի հետ կապված որոշակի լրացուցիչ լուծումներ են տրվելու»,- նշեց Բեգլարյանը:
Արցախի պետնախարարը կարևորեց ջրի որակի ապահովման անհրաժեշտությունը և տեղեկացրեց, որ այդ մասով լրացուցիչ ուսումնասիրություններ ենք կատարում՝ վերահսկողությունը բարձրացնելու, լրացուցիչ ռիսկերը նվազեցնելու համար` որակի և բնապահպանական ռիսկերի առումով:
«Կարծում եմ, որ որոշ ժամանակ անց կկարողանանք արդեն հստակ ծրագրեր առաջարկել մեր հասարակությանը»,- վստահեցրեց Բեգլարյանը:
Մանրամասները՝ տեսանյութում:
