27.11.2024 | 19:54
ՌԴ-ն հուսով է, որ Հայաստանը կվերադառնա ՀԱՊԿ շրջանակում լայնածավալ համագործակցությանը
ԱՄՆ-ի Օրեգոն նահանգում տապից առնվազն 63 մարդ է մահացել. մարդիկ գիշերում են հովացման կենտրոններում
Քաղաքականություն
01.07.2021 | 10:29
ԱՄՆ-ի Օրեգոն նահանգում օդի ջերմաստիճանի բարձրացման հետևանքով առնվազն 63 մարդ է մահացել. տեղեկացնում է wgntv.com-ը:
Միայն Մալթնոմա շրջանում, որտեղ գտնվում է նահանգի ամենամեծ՝ Փորթլենդ քաղաքը, մահացել է 44-ից 97 տարեկան 45 մարդ։
Ըստ Մալթնոմայի պետական բժշկական փորձաքննության արդյունքների՝ մահվան բոլոր դեպքերի պատճառը հիպերթերմիան է: «Հիպերթերմիան մարմնի անոմալ բարձր ջերմաստիճանն է, որն առաջանում է շրջակա միջավայրից եկող ջերմության հետ շփումից»:
Պաշտոնական հաղորդագրության համաձայն՝ 1 040 մարդ գիշերել է հովացման կենտրոններում: 7 610 մարդ այցելել է վարչական շրջանների գրադարանների հովացման կենտրոններ:
Վերջին երեք օրվա ընթացքում օդի ջերմաստիճանի բարձրացումը ռեկորդային ցուցանիշ է գրանցել՝ երկուշաբթի հասնելով +46,7 աստիճանի։
