26.03.2026 | 00:46
Ազատության պողոտայում բռնկված հրդեհը մարվել է
Առանց գերիների վերադարձի Ադրբեջանի հետ վստահության մթնոլորտ չի կարող լինել. Հովհաննես Իգիթյան. ՏԵՍԱՆՅՈՒԹ
Քաղաքականություն
30.06.2021 | 13:31
ԵԽԽՎ-ում ընդհանուր մթնոլորտը ուղղված է այն խնդիրների լուծմանը, որոնք հայկական կողմին հուզում են։ Այսօր հրավիրած ասուլիսում այս մասին հայտնեց ԵԽԽՎ-ում Հայաստանի պատվիրակության անդամ Հովհաննես Իգիթյանը:
«Այսինքն՝ բոլոր զեկուցողները և անդամները, բացառությամբ մեկ-երկու երկրների ներկայացուցիչների, գտնում են, որ առանց հայ գերիների վերադարձի անհնար է առաջ շարժվել։ Երբ խոսում են վստահության մթնոլորտ ստեղծելու մասին, այդ թվում՝ ադրբեջանցիները, պարզ է, որ որևէ վստահության մթնոլորտ՝ առանց գերիների վերադարձի անհնար է»,- ասաց Իգիթյանը։
Նա նշեց, որ ԵԽԽՎ քաղաքական հանձնաժողովում վերջին այցի ժամանակ բարձրացրել է ադրբեջանցիների կողմից Հայաստանի տարածք ներխուժելու հարցը։ «Այնտեղ քննարկվում էր Թուրքիայի հարցը, որը Միջերկրական ծովում ռազմատենչ գործողություններ է իրականացնում, և դա դժգոհություն է առաջացրել ԵԽԽՎ-ում, բոլոր զեկույցներում դա որպես բացասական երևույթ նշված է։ Մենք զուգահեռներ տարանք նաև այն հանգամանքի հետ, թե ինչ է անում Ադրբեջանը՝ սկզբում ներխուժում է ռազմական ձևով, հետո ասում է՝ եկեք բանակցենք։ Ինչպես Թուրքիայի հարցում, այնպես էլ Ադրբեջանի հարցում մեր գործընկերները ԵԽԽՎ-ում բարձրացրեցին հարց, որ ցանկացած բանակցություն անհնար է, եթե ներկա են ռազմական ուժերը»,- նշեց Իգիթյանը։
Մանրամասները՝ տեսանյութում:
