26.06.2026 | 04:58
ԱԱ-2026. Նիդերլանդներն ու Ճապոնիան դուրս եկան փլեյ-օֆֆ. ՏԵՍԱՆՅՈՒԹ
Ռուսաստանի հավաքականը հնարավոր է չմասնակցի առաջիկա ԱԱ-ին
18.11.2024 | 23:30
Ինչպես հաղորդում է Матч ТВ-ն, ֆուտբոլի Ռուսաստանի հավաքականին թույլ չեն տա մասնակցել ԱԱ-2026-ի ընտրական մրցաշարի վիճակահանությանը․ գրում է armsport-ը։
Վիճակահանությունը կկայանա դեկտեմբերի 13-ին Ցյուրիխում (Շվեյցարիա): Եվրոպայում ընտրական մրցաշարը տեղի կունենա 2025 թվականի մարտից մինչև 2026 թվականի մարտը։
«Ռուսաստանի հավաքականին թույլ չեն տա մասնակցել Աշխարհի առաջնության ընտրական փուլի վիճակահանությանը։ Թիմը չի կարողանա մասնակցել ընտրական փուլին՝ անվտանգության խնդիրների պատճառով․ ՈՒԵՖԱ-ն և ՖԻՖԱ-ն իրենց կարծիքը չեն փոխել ՌՖՄ-ի գործունեության կասեցումից հետո։ Թիմը չի կարողանա Աշխարհի առաջնության ուղեգիր նվաճել»,- ասել է Матч ТВ-ի աղբյուրը։
Матч ТВ-ի երկրորդ աղբյուրը նշել է, որ նվազագույն շանսեր կան, որ Ռուսաստանի հավաքականին թույլ տրվի եվրոպական գոտու ուղեգիր նվաճել։
«Եթե նույնիսկ թիմը չմասնակցի վիճակահանությանը, մնում է նվազագույն հնարավորություն թիմին ընտրական խմբում ընդգրկելու մինչև որակավորման փուլի մեկնարկը։ Բայց պետք չէ հույս դնել իրադարձությունների նման զարգացման վրա»,- ասել է աղբյուրը։
2026 թվականի Աշխարհի առաջնությունը կանցկացվի ԱՄՆ-ում, Կանադայում և Մեքսիկայում։ Մրցաշարում Եվրոպայից կմասնակցեն 16 թիմեր։
